एमालेलाई तहसनहस पार्ने ऐंजेरु कांग्रेसमा सर्यो : सुर्य थापा
एमालेलाई तहसनहस पार्ने ऐंजेरु कांग्रेसमा सर्यो : सुर्य थापा
काठमाडौं – नेकपा एमालेका नेता सुर्य थापाले नेकपा एमालेलाई तहसनहस पार्ने ऐंजेरु कांग्रेसमा सरेको टिप्पणी गरेका छन् ।
कांग्रेस वरिष्ठ नेता रामचन्द्र पौडेलले सोमबार बिहान सभापति शेरबहादुर देउवाप्रति कडा टिप्पणी गरेपछि नेता थापाले ट्विटरमा यस्तो लेखेका हुन् ।
थापाले लेखेका छन्, ‘एमालेको वृक्षमा ऐंजेरुले दिनु दुःख दियो । ३ वर्षको समय मात्रै बर्बाद भएन, पार्टी नै लथालिङ्ग र तहसनहस हुनपुग्यो । अझै पार्टी पूर्ववत् लयमा फर्केको छैन । ऐंजेरु नेपाली कांग्रेसमा सरेको छ । अब कठपुतली प्रधानमन्त्रीको लोभमा पारी त्यसले पार्टी र सरकार दुवै चल्न दिँदैन ।’
सभापति तथा प्रधानमन्त्री शेरबहादुर देउवाविरुद्ध वरिष्ठ नेता रामचन्द्र पौडेलले सोमबार बिहान कडा आक्रोश व्यक्त गरेका छन् । निर्धारित मितिमै पार्टी महाधिवेशन नहुने निश्चितजस्तै भएपछि नेता पौडलले आक्रोश पोखेका हुन् ।
सोमबार बिहान सामाजिक सञ्जाल फेसबुकमा लेख्दै नेता पौडेलले महाधिवेशन नगरेर पार्टी नेतृत्वले कांग्रेसलाई निर्वाचन आयोगसँग भिख माग्ने निरीह अवस्थामा पुर्याइएको आरोप लगाए ।
पौडेलले लेखेका छन्, ‘पार्टी विधानले ४ वर्षको कार्यकाल तोकिएको छ । असाधारण परिस्थिति भनेर १ वर्ष थपियो । देशको संविधानलाई समातेर ६ महिना बढाइयो । आज आएर त्यसभित्र पनि महाधिवेशन नगरेर नेपाली कांग्रेसलाई निर्वाचन आयोगसँग भिख माग्ने निरीह अवस्थामा पुर्याइएको छ । यहाँभन्दा वर्तमान नेतृत्वको चरम असफलता र लापरवाही अरु के हुन्छ ? यो देशकै विडम्बना हो । सर्वत्र असफल व्यक्तिहरू बारम्बार सत्ता समाल्न पुग्छन् ।’
सर्वत्र असफल व्यक्तिहरू बारम्बार सत्ता समाल्न पुग्छन् भन्ने वाक्य समेत लेखेर नेता पौडेलले देउवा प्रधानमन्त्री भएकोमा असन्तुष्टि व्यक्त गरेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४