सदस्यताको विवाद मिलाउन शीर्ष ३ नेताहरूबीच घनिभूत मन्थन
सदस्यताको विवाद मिलाउन शीर्ष ३ नेताहरूबीच घनिभूत मन्थन
काठमाडौं – नेपाली कांग्रेसको १४औं महाधिवेशनको मुखैमा देखिएको क्रियाशील सदस्यता विवाद हल गर्न शीर्ष ३ नेताहरू घनिभूत मन्थनमा जुटेका छन् ।
छानविन समितिले केही ठाउँको विवाद समाधान नगरी पार्टीलाई प्रतिवेदन बुझाएपछि विवाद समाधान गर्ने जिम्मेवारी पाएका सभापति शेरबहादुर देउवा, वरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौला छलफलमा जुटेका छन् ।
सभापति देउवा निवास बूढानिलकण्ठमा बसेको बैठकमा क्रियाशीलको विवाद समाधान गर्ने विषयमा कुराकानी भएको वरिष्ठ नेता पौडेलका स्वकीय सचिव चिरञ्जीवी पौडेलले बताए । घनिभूत मन्थन भएपनि शीर्ष नेताबीच सहमति जुट्न नसकेको जनाइएको छ ।
सदस्यता विवाद समाधानका लागि शीर्ष नेतृत्वले पदाधिकारी तथा पूर्व पदाधिकारी बैठकबाट ५ दिनको समय पाएको छ ।
क्रियाशील सदस्यता छानविन समितिले दिएको प्रतिवेदनमा धनुषा–४, सर्लाही, बारा र सप्तरीको विवाद समाधान हुन सकेको छैन । विशेषगरी बारा र सप्तरीमा नयाँ थपिएको क्रियाशीलताबारे विवाद रहेको छ ।
क्रियाशील सदस्यता विवादको विषयलाई लिएर संस्थापन र पौडेल दुबै पक्ष पार्टी कार्यालय सानेपामा धर्नामा बसेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४