काठमाडौं – कोरोना भाइरस संक्रमणको महामारीका बेला स्वास्थ्य तथा जनसंख्या मन्त्रीको भूमिका महत्वपूर्ण हुन्छ । त्यसैले प्रधानमन्त्री शेरबहादुर देउवाको मन्त्रिपरिषद्मा चर्चित सांसद गगनकुमार थापालाई स्वास्थ्यमन्त्री बनाउन दबाब छ ।

निवर्तमान प्रधानमन्त्री केपी शर्मा ओली नेतृत्वको सरकारलाई समेत कोरोना रोकथामबारे सुझाव, सल्लाह दिएका सांसद थापाको सक्रियता प्रशंसनीय थियो । उनले कोरोना रोकथामको विश्वव्यापी अनुभव र नेपालको आवश्यकताबारे समेत अध्ययन गरेका छन् । तसर्थ गगन थापालाई स्वास्थ्यमन्त्री बनाउन दबाब परेको छ ।

देउवाले स्वास्थ्य तथा जनसंख्या राज्यमन्त्रीमा उमेश श्रेष्ठलाई नियुक्त गरेपछि स्वास्थ्यमन्त्री नै नियुक्त गर्न देउवामाथि दबाब छ ।

यसअघि समेत सफल स्वास्थ्य मन्त्रीको परिचय बनाइसकेका सांसद गगन थापालाई स्वास्थ्य मन्त्रीमा नियुक्त गर्न नागरिक तथा कार्यकर्तास्तरबाट प्रधानमन्त्री देउवामाथि दबाब परेको छ । 

स्वास्थ्य बीमा कार्यक्रमदेखि स्वास्थ्य संस्थामा उपकरणको व्यवस्थापनमा सफलता पाएका पूर्व स्वास्थ्य मन्त्री थापाले कोरोना नियन्त्रणमा प्रभावकारी काम गर्नसक्ने धेरैको अपेक्षा छ । 

प्रधानमन्त्री देउवाले आफ्नो पहिलो लक्ष्य र उद्देश्य भनेकै कोरोना नियन्त्रण र खोपको व्यवस्था रहेको बताउने गरेका छन् । साउन ३ गते विश्वासको मत लिँदा समेत प्रधानमन्त्री देउवाले संसदमा आफ्नो सरकारको पहिलो उद्देश्य कोरोना नियन्त्रण र सबै नागरिकलाई खोप लगाउने व्यवस्था गर्नु रहेको जानकारी दिएका थिए ।

जनस्तरमा थापालाई स्वास्थ्यमन्त्री बनाउन चर्काे दबाब रहेपनि देउवाले मन्त्री नियुक्तिमा ढिलाइ गरिरहेका छन् । सत्तारुढ गठबन्धनका अन्य दलसँग मन्त्रालय भागबण्डाको छलफल चलिरहेको र सहमति नभइसकेकाले ढिलाइ भएको स्रोतको दाबी छ । देउवाले स्वास्थ्य मन्त्री कसलाई नियुक्त गर्छन् ? हेर्न बाँकी छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

काठमाडौंका सडक र यातायात सुधार्न गगनका चार सुझाव, छक्क परे मन्त्री नेम्वाङ

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण