काठमाडौं – प्रधानमन्त्री शेरबहादुर देउवाले आईतबार स्वास्थ्य तथा जनसंख्या राज्यमन्त्रीमा उमेश श्रेष्ठलाई नियुक्त गरे । तर उनको नियुक्तिलाई लिएर सत्तारुढ गठबन्धनभित्र खैलाबैला मच्चिएको छ ।

सत्तारुढ ५ दलीय गठबन्धनले सरकार सञ्चालनका लागि साझा नीति र मापदण्ड बनाउन ७ सदस्यीय कार्यदल गठन गरेको छ तर प्रधानमन्त्री देउवाले कार्यदलको सुझाव नै नलिई मन्त्री नियुक्त गरेपछि असन्तुष्टि देखिएको छ ।

सत्तारुढ दल नेपाली कांग्रेसका महामन्त्री पूर्णबहादुर खड्काको संयोजकत्वमा गठित ७ सदस्यीय कार्यदललाई थाहै नदिएर आईतवार प्रधानमन्त्री देउवाले स्वास्थ्य राज्यमन्त्रीमा श्रेष्ठलाई नियुक्त गरेका हुन् ।

सरकारको साझा नीति तथा कार्यक्रम, मन्त्रालय बाँडफाँड र राजनीतिक नियुक्तिमा मापदण्ड बनाएर कार्यदलले सरकारलाई राय सुझाव दिने भनिएपनि आईतवार स्वास्थ्य राज्यमन्त्री नियुक्ति गर्दा कार्यदललाई पत्तो नै नदिएपछि कार्यदलमा असन्तुष्टि देखिएको छ ।

कार्यदलका संयोजक खड्काले मन्त्री नियुक्तिबारे आफूले पूर्व जानकारी नै नपाएको बताए । उनले भने, ‘मन्त्री नियुक्तिबारे थाहा नै छैन । मन्त्री बनाएको नै थाहा हुँदैन भने कार्यदल भनेर हल्ला गर्नुको केही अर्थ छैन । न त मन्त्री बनाएको थाहा हुन्छ, न केही गरेको थाहा हुन्छ अनि केकोे कार्यदल ?’

संयोजक खड्काको नेतृत्वमा रहेको कार्यदलको सदस्यमा कांग्रेसका डा. मिनेन्द्र रिजाल र रमेश लेखक, माओवादी केन्द्रबाट वर्षमान पुन र देव गुरुङ, जसपाबाट राजेन्द्र श्रेष्ठ र महेन्द्रराय यादव कार्यदलमा रहेका छन् ।

नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफ्नै नेतृत्वमा उच्चस्तरीय राजनीतिक संयन्त्र बनाउन खोजेका थिए । तर प्रधानमन्त्री देउवाको असहमतिपछि प्रचण्ड संयोजक बन्न सकेनन् तर कांग्रेस महामन्त्री खड्काको संयोजकत्वमा कार्यदल गठन गरिएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध