ओली गुटकै यी ८ जनाले दिए देउवालाई विश्वासको मत, एमाले मिलाउनेहरू हेरेका हेर्यै
ओली गुटकै यी ८ जनाले दिए देउवालाई विश्वासको मत, एमाले मिलाउनेहरू हेरेका हेर्यै
काठमाडौं – नेपाली कांग्रेसका सभापति तथा प्रधानमन्त्री शेरबहादुर देउवालाई नेकपा एमालेका २२ जना सांसदले विश्वासको मत दिएका छन् ।
एमालेका २२ जनामध्ये ८ जना निवर्तमान प्रधानमन्त्री तथा एमाले अध्यक्ष केपी शर्मा ओली गुटकै रहेका जनाइएको छ ।
प्रतिनिधिसभा संसदको आईतवारको बैठकमा भएको मतदानमा एमालेको संस्थागत निर्णयभन्दा बाहिर गएर २२ जना सांसदले देउवालाई विश्वासको मत दिएका छन् ।
एमाले सांसद मेटमणि चौधरीले विश्वासको मत दिएका २२ जनामध्ये केही ओली पक्षका समेत रहेका जानकारी दिए ।
प्रतिनिधि सभामा मतदानमा सहभागी भएका २४९ सांसदमध्ये देउवाको पक्षमा १६५ र विपक्षमा ८३ जनाले खसेको छ भने १ जना सांसद तटस्थ बसेका छन् ।
सांसद चौधरीका अनुसार ओली पक्षका सांसदहरू प्रेम आले, कृष्णकुमार श्रेष्ठ, हिराचन्द्र केसी, पार्वती बिशंखे, कलिला खातुन, विनादेवी बुढाथोकी, धनबहादुर बुढा र समिना हुसेनले देउवालाई मत दिएका छन् ।
नेता माधवकुमार नेपाल पक्षबाट नेपाल, विरोध खतिवडा, जीवनराम श्रेष्ठ, कल्याणी खड्का, मेटमणि चौधरी, भवानी खापुङ, रामकुमारी झाँक्री, मुकुन्द न्यौपाने, गोपाल बम, सरला यादव, पुष्पाकुमारी कर्ण, लक्ष्मी चौधरी, निरादेवी जैरु र कृष्णलाल महर्जनले देउवालाई विश्वासको मत दिएका छन् ।
एमालेभित्र विद्रोह हुँदा पार्टी एकताका लागि क्रियाशील कार्यदलका सदस्य तथा केही चर्चित नेताहरू हेरेको हेर्यै भएका छन् । ती नेताहरू भने अनुपस्थित रहेका थिए ।
नेकपा एमालेको विवाद समाधानका लागि गठित वार्ता टोली र केही अरु सांसदले देउवालाई विश्वासको मत दिने बेला मतदानमा सहभागी नै भएनन् । सांसद सुरेन्द्र पाण्डे, सोमप्रसाद पाण्डेय, झपट रावल, घनश्याम भुसाल, दीपकप्रकाश भट्ट लगायतका नेताहरू मतदानमा सहभागी भएनन् ।
नेकपा एमालेको शुक्रवार बसेको संसदीय दलको बैठकले देउवाको विपक्षमा मतदान गर्न सांसदलाई निर्देशन दिएको थियो । निर्देशन विपरीत २२ जनाले देउवालाई मत दिँदा माधव नेपाल पक्षका केही र ओली पक्षका गरी १६ जना अनुपस्थित रहेका थिए ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४