काठमाडौं – नेपाली कांग्रेसका नेता कृष्णचन्द्र नेपाली पोखरेल मुख्यमन्त्री रहेको गण्डकी प्रदेश सरकारले ल्याएको बजेटसँग निहुँ खोजिरहेका नेकपा एमालेका सांसदलाई प्रदेश सभाभित्र ‘मार्सल’ परिचालन गरेर ठेगान लगाइएको छ ।

एमालेलाई ठेगान लगाएर कांग्रेस नेतृत्वको गण्डकी सरकारले आगामी आर्थिक वर्षका लागि संसदमा पेश गरेको बजेट पारित भएको छ ।

प्रमुख प्रतिपक्षी दल नेकपा एमालेले निहुँ खोजेर विरोध गरेपनि सदनबाट विनियोजित विधेयक पारित भएको छ । प्रदेशसभा बैठकमा एमाले सांसदहरुले नाराबाजी गर्दै विरोध गरेका थिए ।

सदनमा विनियोजन विधेयक पेश भएपछि नाराबाजी हुँदा मार्सल परिचालन भएपछि एमाले सांसदहरु बैठकबाट बाहिरिएका थिए ।  

तत्काली मुख्यमन्त्री पृथ्वीसुब्बा गुरुङ नेतृत्वको एमाले नेतृत्वको सरकारले ल्याएका योजना र कार्यक्रम काटिएको भन्दै एमाले संसदीय दलका प्रमुख सचेतक मायानाथ अधिकारीले मुख्यमन्त्री पोखरेललाई १० बुँदे ध्यानाकर्षणपत्र बुझाएपनि सुनुवाइ नभएको एमालेको गुनासो छ ।

एमालेले दिएको ध्यानाकर्षण पत्रमा उल्लेखित बुँदामा वैधानिक सम्बोधन नहुँदासम्म प्रदेशसभा सञ्चालन गर्न नदिने एमालेको अडान थियो । तर मार्सल परिचालन गरेर बजेट पारित गरिएको छ ।

बजेट पारित भएपछि सभामुख सभामुख नेत्रनाथ अधिकारीले सभाको आगामी बैठक अर्को सूचना नभएसम्मका लागि स्थगित भएको घोषणा गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग