काठमाडौं - चिनियाँ कम्युनिस्ट पार्टी (सीसीपी) स्थापनाको सय वर्ष पुगेको अवसरमा मंगलबार ‘विश्व सम्मेलन’ आयोजना गरिएको थियो ।

विश्व राजनीतिक सम्मेलनमा एक सय ६० राजनीतिक दलका शीर्ष नेता एवं करिब दश हजार प्रतिनिधि भर्चुअल माध्यममा एकैसाथ सहभागी थिए ।

नेपालका राजनीतिक दललाई पठाइएको निमन्त्रणामा बोल्ने मौका दिने उल्लेख थियो । तर, पछि एमाले अध्यक्ष एवं प्रधानमन्त्री केपी ओलीले मात्र सम्बोधन गर्ने बताइयो । तर, सम्मेलन अवधिभर नेपालका नेताहरू दर्शक मात्र भए ।

कसैले सम्बोधन गर्न पाएनन् । सम्बोधन गर्ने अवसर नपाएपछि एमाले, कांग्रेस, माओवादी केन्द्र, राप्रपाका शीर्ष नेताले भिडियो सन्देश पठाएका छन् ।

नेपाली नेताहरूको भिडियो सम्बोधन चिनियाँ कम्युनिस्ट पार्टीले वेबसाइटमा राख्ने बताएको छ । सम्मेलनको सुरुमा चिनियाँ राष्ट्रपति सी जिन पिङले प्रमुख वक्ताको हैसियतमा सम्बोधन गरेका थिए ।

त्यसपछि दक्षिण अफ्रिका, क्युबा, बोलिभिया, प्यालेस्टाइन, मोरक्को, भियतनामलगायतका नेताले सम्बोधन गर्ने अवसर पाएका थिए । दक्षिण एसियाबाट पाकिस्तानका प्रधानमन्त्री इमरान खान र श्रीलंकाका प्रधानमन्त्री महिदा राजापाक्षेले मात्रै सम्मेलनमा बोल्ने अवसर पाए ।

भर्चुअल सम्मेलनमा एमाले अध्यक्ष ओली, महासचिव ईश्वर पोखरेल, नेताहरू रामबहादुर थापा बादल, सुवास नेम्वाङ, प्रदीप ज्ञवाली, कांग्रेसबाट सहमहामन्त्री डा.प्रकाशशरण महत र डा.नारायण खड्का, माओवादी केन्द्रबाट अध्यक्ष प्रचण्डसहित नारायणकाजी श्रेष्ठ, देव गुरुङ, पम्फा भुसाल, मातृका यादव, देवेन्द्र पौडेल, वर्षमान पुनलगायत थिए ।

जसपाबाट अध्यक्ष उपेन्द्र यादव, बाबुराम भट्टराईसहित शीर्ष नेता तथा राप्रपा अध्यक्ष पशुपतिशमशेर राणा र नेता शोभित उप्रेती सहभागी भए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !