काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकार मातहतको नेपाल आयल निगमले खाना पकाउने ग्यास, पेट्रोल, डिजल, मट्टितेल र हवाइ इन्धनमा मूल्यवृद्धि गरेको छ ।

यसअघि मूलय समायोजन भएको १३ दिनमै निगमले पेट्रोलियम पदार्थको मूल्य बढाएको छ ।

प्रतिलिटर २ रुपैयाँले पेट्रोल, डिजल र मट्टितेलको मूल्य बढाइएको निगमले जानकारी दिएको छ ।

अब राजधानी काठमाडौं उपत्यकामा पेट्रोलको मूल्य प्रतिलिटर १२९ रुपैयाँ, डिजल तथा मट्टितेलको प्रतिलिटर ११२ रुपैयाँ कायम गरिएको छ ।

यसअघि असार ९ गते समेत पेट्रोलियम पदार्थको मूल्य बढाइएको थियो । भारतबाट आउने मूल्य नै बढेकाले समायोजन गरिएको निगमले जानकारी दिएको छ ।

निगमका अनुसार मंगलबार मध्यराति १२ बजेदेखि बढेको मूल्य लागू हुने भएको छ । 

आन्तरिकतर्फ हवाई इन्धनको मूल्य समेत प्रतिलिटर २ रुपैयाँका दरले बढाएर प्रतिलिटर ८४ रुपैयाँ पुर्‍याइएको छ । अन्तर्राष्ट्रिय उडानमा प्रतिकिलोलिटर इन्धनको १९ अमेरिकी डलर वृद्धि गरिएको जनाइएको छ ।

अब प्रतिकिलोलिटर अमेरिकी डलर ७५४ कायम गरिएको छ । एलपी ग्यासको मूल्य पनि प्रतिसिलिन्डर २५ रुपैयाँ बताएर प्रतिसिलिण्डर १४२५ रुपैयाँ पर्ने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

आज रातिदेखि लागु हुने गरि 'पेट्रोलियम पदार्थको ह्वात्तै उच्च मूल्य वृद्धि', हेर्नुहोस कति ?

महँगीमा डुबाउँदै कम्युनिस्ट सरकार, फेरि पेट्रोलियम पदार्थको मूल्य बढ्दै

फेरि  बढ्यो पेट्रोलको मूल्य

डिजेल र मट्टीतेलको मूल्य घट्यो

खाली सिलिण्डरको मूल्य तोकियो, अब याे भन्दा बढी पैंसा माग्न नमिल्ने

डिजेल र मट्टितेलको मूल्य घट्यो