काठमाडौं – नेपाली कांग्रेसका उपसभापति बिमलेन्द्र निधिलाई भेट्न केन्द्रीय सदस्य डा. शेखर कोइराला निधिकै घर पुगेका छन् ।

कांग्रेसको १४औं महाधिवेशनमा सभापतिका आकांक्षी निधि र कोइरालाबीच सोमवार दिउँसो भेटवार्ता भएको छ ।

निधि निवास मध्यबानेश्वरमा दुबै नेताबीच आसन्न महाविधेशनबारे छलफल भएको स्रोतले जनाएको छ ।

सभापति शेरबहादुर देउवा नेतृत्वको संस्थापन पक्षमा रहँदै आएका उपसभापति निधिले सभापतिका आकांक्षी नेताहरूलाई भेटेर सहमतिबाट नेतृत्व चयन गर्नुपर्ने बताएका छन् । निधिले कांग्रेसमा चर्चामा रहेका सबै सभापतिका आकांक्षीसँग छलफल गरेका छन् ।

कांग्रेस सभापति शेरबहादुर देउवा, वरिष्ठ नेता रामचन्द्र पौडेल, महामन्त्री डा. शशांक कोइराला, पूर्व महामन्त्री प्रकाशमान सिंहलाई भेटेर निधिले १४औं महाधिवेशनमा आफूले सभापतिमा उम्मेदवारी दिने जानकारी दिएका छन् ।

केन्द्रीय सदस्य डा. कोइरालाले समेत सभापतिमा उम्मेदवारी दिने बताउँदै दौडधुप गरिरहेका छन् । कोइरालाले निधिलाई भेटेर आफूलाई सहयोग गर्न आग्रह गरेका जनाइएको छ ।

कांग्रेसले भदौ १६–१९ गतेसम्म काठमाडौंमा महाधिवेशन गर्ने कार्यतालिका अनुमोदन गरेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग