काठमाडौं – प्रमुख प्रतिपक्षी दल नेपाली कांग्रेसका सभापति शेरबहादुर देउवासहित सांसदहरू सोमबार लामवद्ध भएर सर्वाेच्च अदालतमा पुगे । प्रतिनिधि सभाका बहुमत सांसदहरूले सर्वाेच्च अदालतमा रिट निवेदन दायर गरेका छन् ।

रिट निवेदनमा नेपालको संविधानको धारा ७६(५) अनुसार नेपाली कांग्रेसका सभापति शेरबहादुर देउवालाई प्रधानमन्त्री नियुक्त गर्नुपर्ने र प्रतिनिधिसभा पुनर्स्थापना गर्नुपर्ने माग राखिएको छ ।

नेपाली कांग्रेस, नेकपा माओवादी केन्द्र, नेकपा एमालेको माधवकुमार नेपाल पक्ष र जसपाको उपेन्द्र यादव पक्ष सम्मिलित विपक्षी गठबन्धनका १६४ सांसदको हस्ताक्षरसहित देउवाको पक्षमा रिट निवेदन दिइएको छ ।

रिट निवेदन बुझाएपछि सर्वोच्च अदालत परिसरमा सञ्चारकर्मीहरूसँग कुरा गर्दै कांग्रेस नेता रमेश लेखकले देउवालाई प्रधानमन्त्री नियुक्त गर्नुपर्ने र प्रतिनिधिसभा पुनर्स्थापनाको परमादेश मागदाबी गरिएको बताए ।

नेता लेखकले भने, ‘संविधानसम्मत रुपले प्रतिनिधि सभाको कायम संख्याको बहुमत कायम गरेर संविधान बमोजिम देउवालाई प्रधानमन्त्री नियुक्त गर्न आदेश माग्ने कुरा रिटमा छ, सर्वोच्चबाट सोही अनुसारको अपेक्षा गरेका छौं । प्रतिनिधि सभाको पुनर्स्थापनाको मूल माग लिएर १४६ जना आउनुभएको छ ।’

रिट दर्ता गर्न नेपाली कांग्रेसका सभापति देउवा, माओवादी केन्द्रका अध्यक्ष पुष्पकमल दाहाल ‘प्रचण्ड’, एमाले नेता माधवकुमार नेपालसहित नेता सर्वोच्च अदालतमा पुगेका थिए ।
  
कांग्रेस चर्चित केन्द्रीय सदस्य गगनकुमार थापाले ५४ प्रतिशत सांसदको हस्ताक्षरसहित आफूहरु सर्वोच्चमा आएको बताएका छन् । ‘पटक–पटक हामी न्यायालय आउनुपर्ने अवस्था दूभाग्यपूर्ण हो । हामीलाई के विश्वास छ भने प्रतिनिधिसभा विघटनबारे यसअघिको ब्याख्याको कारणले गर्दा संसद पुनर्स्थापना हुन्छ । ५४ प्रतिशत सदस्यले आफैं उभिएर योभन्दा दायाँबायाँको कुरा देख्दिनँ,’ उनले भनेका छन् ।

निवेदनमा नेपाली कांग्रेसका ६१, माओवादी केन्द्रका ४९, माधव नेपाल पक्षका २३, जसपा उपेन्द्र यादव पक्षका १२ र जनमोर्चाकी १ गरी १४६ सांसदले हस्ताक्षर गरेका जनाइएको छ ।

कम्युनिस्ट प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले शुक्रबार मध्यरातमा प्रतिनिधिसभा विघटन गरेपछि विपक्षी दलले कानूनी र राजनीतिक लडाइँ लड्ने घोषणा गरिसकेका छन् ।

हेर्नुहोस् रिट निवेदन –

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध