काठमाडौं – राष्ट्रपति विद्यादेवी भण्डारीबाट नयाँ सरकार बनाउन आह्वान भएको समयसीमा सकिनै लागेको दिन नेपाली कांग्रेसका सभापति शेरबहादुर देउवाको नेतृत्वमा नयाँ सरकार बनाउन प्रयास भइरहेको छ ।

जनता समाजवादी पार्टी (जसपा) नेपालका अध्यक्ष महन्थ ठाकुर र राजेन्द्र महतो समूह सहमत नभएपछि नेकप एमालेको माधवकुमार नेपाल समूहका सांसदले राजीनामा दिएर देउवा प्रधानमन्त्री बन्न बहुमत पुर्‍याउने प्रयास भइरहेका बेला प्रधानमन्त्री केपी शर्मा ओलीले आफ्ना दूत परिचालन गरेका छन् ।

ओलीका दूत बनेर बिहीबार बिहानै नेता माधवकुमार नेपाल निवास कोटेश्वर पुगेका अर्थमन्त्री विष्णु पौडेलले एमाले सांसदको राजीनामा रोक्ने चलखेल गरेका छन् । सामान्य अवस्थामा नेपाल समूहलाई लखेट्दै आएका ओलीले आपत परेपछि फकाउन कोसिस गरिरहेका छन् ।

नेता नेपाललाई फकाउन ओलीले सत्ता जोगाउनका लागि नेता माधवकुमार नेपाललाई टेलिफोन समेत गरेका छन् । अध्यक्ष ओलीले बिहीबार बिहान नेपाललाई फोन गरी स्थायी कमिटीको बैठकमा सहभागी हुन औपचारिक आग्रह गरेका छन् ।

ओलीको टेलिफोन आग्रह नेपालले नमानेपछि अर्थमन्त्री विष्णु पौडेल नै नेपालनिवास कोटेश्वर पुगे । नेपालनिवास कोटेश्वरमा केहीबेरको कुराकानीपछि अर्थमन्त्री पौडेल बालुवाटार फर्किएका छन् ।

ओलीलाई प्रधानमन्त्रीबाट हटाउन लागिपरेका माधव–झलनाथ खनाल पक्षका सांसदले राजीनामा दिने तयारी गरेका बेला ओलीले फकाउन खोजेका छन् । नेपाललाई भेटेर पौडेलले सांसदहरूको राजीनामा रोक्न आग्रह गरेका छन् ।

राष्ट्रपति विद्यादेवी भण्डारीले दलहरूलाई गठबन्धनको सरकार बनाउने समयसीमा आज बिहीबार सकिँदैछ । 

सोमवार ओलीले प्रतिनिधिसभा बैठकमा विश्वासको मत गुमाएसँगै राष्ट्रपति विद्यादेवी भण्डारीले संविधानको धारा ७६(२) अनुसार बहुमतको गठबन्धन सरकार बनाउन आह्वान गरिसकेकी छन् । 

सोमबार राष्ट्रपतिले वैशाख ३० गते राति ९ बजेसम्म नयाँ सरकार गठनका लागि दाबी पेश गर्न दलहरुलाई आह्वान गरेकी थिइन् । समयसीमा घकिँदै जाँदा ओलीले नेता नेपाललाई फकाउन थालेका छन् ।

संवैधानिक प्रावधान अनुसार नयाँ गठबन्धन निर्माणका लागि संसदमा तत्काल कायम रहेको संख्याको बहुमत आवश्यक पर्ने गर्छ । प्रतिनिधिसभामा हाल २७१ सदस्य कायम रहेका छन्, जसको बहुमत १३६ हुनेछ । यसअघि भएको विश्वासको मतको मतदान अनुसार प्रधानमन्त्री ओलीको पक्षमा ९३ मत र विपक्षमा १२४ मत पर्दा तटस्थ १५ मत रहेको थियो । अन्य सांसद बैठकमा अनुपस्थित भएका थिए ।

प्रधानमन्त्री ओली र उनका दूतले अनेक चलखेल गरेर कांग्रेस सभापति देउवालाई प्रधानमन्त्री हुनै नदिने रणनीति लिएका छन् । देउवालाई प्रधानमन्त्री हुन नदिए फेरि आफू नै प्रधानमन्त्री हुने ओलीको योजना रहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध