काठमाडौं – नेकपा एमालेभित्र विवाद चर्किएर गुट–उपगुट विकसित भएका बेला लुम्बिनी प्रदेशका मुख्यमन्त्री शंकर पोखरेलविरुद्ध पार्टीमा ठूलो विद्रोह भएको छ ।

एमालेका बहालवाला प्रदेशसभा सांसद नै पार्टी र पद त्यागेर नेपाली कांग्रेसमा प्रवेश गरेका छन् । यसको एक मात्र कारण मुख्यमन्त्री पोखरेल रहेका स्रोतले जनाएको छ ।

लुम्बिनी प्रदेशसभा सदस्यबाट राजीनामा दिएका नेकपा एमाले कपिलवस्तुका सांसद दृगनारायण पाण्डे आज सोमबार नेपाली कांग्रेसमा प्रवेश गरेका छन् ।

उनी कांग्रेसमा प्रवेश गरेपछि लुम्बिनी प्रदेश सभामा नेकपा एमाले कपिलवस्तुका सांसद दृगनारायण पाण्डेको स्थान रिक्त भएको जनाइएको छ ।

लुम्बिनी प्रदेशसभा सचिवालयले सोमबार एक सूचना प्रकाशित गरेर पाण्डेको स्थान रिक्त रहेको जनाएको छ ।

नेता पाण्डेलाई नेपाली कांग्रेस उम्मेदवारका रुपमा ४ दलीय गठबन्धनले राष्ट्रिय सभामा पठाउने निर्णय समेत गरेको छ ।

सोमबार विपक्षी गठबन्धनले बुटवलमा पत्रकार सम्मेलन गरेर चारै दलका नेताले खादा लगाएर पाण्डेलाई गठबन्धनमा स्वागत गरेका छन् । नेता पाण्डेलाई राष्ट्रिय सभाको साझा उम्मेदवार बनाउने घोषणा गरिएको छ ।

नेपाली कांग्रेस संसदीय दलका नेता वीरेन्द्रकुमार कनौडियाले पाण्डे पुरानै घरमा फर्किएको बताए । जेठ ६ गते हुने राष्ट्रिय सभाको चुनावमा उम्मेदवार बनाउने र चारै दलको गठबन्धनले समर्थन गर्ने निर्णय भएको उनले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग