काठमाडौं - प्रमुख प्रतिपक्षी दल नेपाली कांग्रेसको केन्द्रीय कार्यसमिति बैठक आज बस्दैछ । केन्द्रीय समिति बैठक बस्नुअघि पार्टी सभापति शेरबहादुर देउवाले आकस्मिक रूपमा पदाधिकारी बैठक बोलाएका छन् । देउवाले दिउँसो २ बजे बस्नेगरी आफ्नै निवास बुढानिलकण्ठमा बैठक बोलाएका हुन् ।

कोरोना भाइरसको महामारी तीव्र बनेकै बेला राजनीतिक अवस्था पनि निकै तरल बनेको छ । संघ र प्रदेश सरकार नै कुन बेला ढल्ने हो निश्चित छैन । गण्डकी प्रदेशमा मुख्यमन्त्री पृथ्वी सुब्बा गुरुङविरुद्ध अविश्वासको प्रस्ताव दर्ता भइसकेको छ ।

वैशाख १३ गतेका लागि प्रदेश सभा बैठक बोलाइएको छ । गण्डकी प्रदेशमा कांग्रेस नेतृत्वमा सरकार बनाउने अन्तिम तयारी भइरहेको छ । 
केन्द्रीय कार्यसमिति बैठकअघि नै पदाधिकारी बैठक बोलाइनुले आज कांग्रेसले महत्वपूर्ण निर्णय लिन सक्ने अनुमान गरिएको छ । राजनीतिक वृत्तमा आजै प्रधानमन्त्री केपी ओलीविरुद्ध प्रतिनिधिसभामा अविश्वासको प्रस्ताव दर्ता हुन सक्ने चर्चा पनि चलेको छ । त्यसैले कांग्रेसको दुईवटा बैठक बस्न लागेको बताइन्छ ।

कांग्रेसको आजको बैठकमा १४औं महाधिवेशन तयारी, राष्ट्रिय सभाको उपनिर्वाचनमा लागि उम्मेदवार चयन, केन्द्र र प्रदेशमा सत्ता समीकरणलगायतका विषयमा छलफल हुने बताइएको छ।

माओवादी केन्द्रले गृहमन्त्री रामबहादुर थापा बादल लाई राष्ट्रिय सभा सदस्यबाट पदमुक्त गरेपछि उक्त स्थान अहिले रिक्त छ । जहाँ, आउँदो जेठ ६ गते निर्वाचन हुने निर्वाचन आयोगले मिति तय गरेको छ ।

वैशाख १० गते बसेको एमाले महाधिवेशन आयोजक कमिटी बैठकमा बादललाई नै उम्मेदवार बनाउने भनी पार्टी अध्यक्ष केपी ओलीले घोषणा गरेका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध