काठमाडौं - सरकारको सिफारिसमा राष्ट्रपति विद्यादेवी भण्डारीले आज दिउँसो १ बजेदेखि प्रतिनिधिसभाको हिउँदे अधिवेशन अन्त्य गरेकी छन् ।

सोमबार बसेको मन्त्रिपरिषद्को आकस्मिक बैठकले हतारमा संसदको चालू अधिवेशन अन्त्य गर्ने निर्णय गरेको हो । बजेट अधिवेशन सुरु गर्नुपर्ने भएकाले पनि हिृउँदे अधिवेशन अन्त्य गरिएको दलील पेस गरिए पनि भित्री कथा भने अर्कै रहेको स्रोतले बताएको छ ।

सम्भवतः आजै कांग्रेस र माओवादी केन्द्र मिलेर प्रधानमन्त्री केपी ओलीविरुद्ध अविश्वासको प्रस्ताव दर्ता गर्ने तयारी अन्तिम चरणमा पुगेको थियो । जसको सुइँको बालुवाटारले आइतबार राति नै प्राप्त गरेको थियो ।

नेपाली कांग्रेसका सभापति शेरबहादुर देउवाले आइतबार माओवादी केन्द्रले सरकारलाई दिएको समर्थन फिर्ता नलिएसम्म कांग्रेसले नयाँ सरकार गठनको अग्रसरता नलिने सार्वजनिक रुपमै बताएका थिए ।

त्यसपछि चितवनमा रहेका माओवादी केन्द्रका अध्यक्ष पुष्पकमल दाहाल प्रचण्डले प्रतिगमनलाई अन्तिम धक्का दिन आफू काठमाडौं जाँदै गरेको र भोलि (सोमबार) नै एउटा ठोस निर्णय आउने बताएका थिए ।

यो कुराले प्रधानमन्त्री ओलीमा छटपटी बढ्यो । कर्णाली प्रदेशमा एमालेलाई राम्रै धक्का दिएकाले ओलीलाई निद्रा लागेको थिएन । अझ सोमबार नै माओवादीले समर्थन फिर्ता लिने सुइँको पाएपछि उनले बिहानै मन्त्रिपरिषद्को आकस्मिक बैठक राखे ।

बैठकले सुरुमा संसद्को चालू अधिवेशन अन्त्य र सहरी क्षेत्रका विद्यालय वैशाख मसान्तसम्म बन्द गराउने निर्णय गर्न पुग्यो । साथै, जसपालाई आफूसँग इन्ट्याक्ट राख्न मधेस आन्दोलनका क्रममा लगाइएका मुद्दा फिर्ता लिने मन्त्रिपरिषद्ले निर्णय गरेको छ ।

मन्त्रिपरिषदको यो निर्णयपछि ओलीको कुर्सी अब एक महिनासम्म लम्बिने देखिएको छ । जेठ १५ गते बजेट सार्वजनिक गर्नैपर्ने हुन्छ । त्यसअघि बजेट अधिवेशन जेठ पहिलो साता बोलाइने निश्चित छ । हतार हतारमा बजेट ल्याएर लोकप्रिय र जस पाउने कार्यक्रम ल्याउने ओलीको तयारी छ ।

यसपटक कांग्रेस पनि ओलीलाई फाल्ने निर्णयमा पुगेकाले पनि संसदको चालू अधिवेशन अन्त्य गरिएको कुरा छिपेको छैन । माओवादी केन्द्रका नेता देव गुरुङले समेत माओवादी केन्द्रले आज सरकारलाई दिएको समर्थन फिर्ता लिने तयारीअनुरुप स्थायी कमिटी बैठक बोलाएको बताइसकेका छन् । माओवादीको स्थायी कमिटी बैठक अब भोलि बस्ने भएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध