काठमाडौं – महान्यायाधिवक्ता अग्निप्रसाद खरेलले पदबाट राजीनामा दिँदै सक्रिय राजनीतिमा फर्कने घोषणा गरेका छन् ।

२०७४ फागुन ८ गते प्रधानमन्त्री केपी शर्मा ओलीको सिफारिसमा उनी राष्ट्रपतिबाट महान्यायाधिवक्ता नियुक्त भएका थिए ।

सरकारको प्रमुख कानूनी सल्लाहकारका रुपमा रहेका खरेलले आफूले प्रधानमन्त्री ओलीसँग परामर्श गरेपछि राजीनामा दिएको शुक्रवार पत्रकार सम्मेलनमा जानकारी गराए ।

‘प्रधानमन्त्रीसँग भेटेर कुरा भयो । उहाँको र मेरो कुरा एउटै थियो । जहाँबाट आएको थिएँ, म त्यतै फर्कन्छु,’ खरेलले भने, ‘फूटबल खेल्नका लागि बाहिरबाट हुन्न, मैदानमा फर्कंदैछु ।’

प्रधानमन्त्रीले राजीनामा नदिँदासम्म नियुक्त गरेका सरकारका कानूनी सल्लाहकारले पद छोड्ने प्रचलन खासै छैन । यसअघि पूर्व महान्यायाधिवक्ता बद्रीबहादुर कार्कीले पनि प्रधानमन्त्री शेरबहादुर देउवाको कार्यकाल छँदै राजीनामा गरेका थिए ।

खरेल नेकपा एमालेका तर्फबाट यसअघि कानून मन्त्री समेत भइसकेका छन् । उनले २०४७ सालको संविधान निर्माणका क्रममा एमाले नेता माधवकुमार नेपालको सहयोगीको रुपमा काम गरेका थिए ।

पत्रकार सम्मेलनमा उनले पार्टीबाट जुनसुकै जिम्मेवारी पाए पनि निर्वाह गर्ने बताएका छन् । ‘राजनीतिक जीवनमा क्रियाशील हुन्छु । निष्ठापूर्वक काम गर्छु । शिर निहुर्‍याएर हिँड्ने काम गर्दिनँ,’ खरेलले भने ।

आफूले महान्यायाधिवक्ता कार्यालयमा आएपछि ३ वर्षमा गर्न सक्ने सबै काम गरेको र अब योभन्दा बढी काम गर्न नसक्ने भएकाले राजीनामा दिएको उनले बताएका छन् । आफूले पदमा रहेर सरकारको जमेर प्रतिरक्षा गरेको दाबी उनले गरेका छन् ।

संसद विघटनको मुद्दामा प्रधानमन्त्री असन्तुष्ट भएर राजीनामा आएको हो भन्ने प्रश्नमा खरेलले भने, ‘अदालतमा प्रतिरक्षा गर्दा प्रधानमन्त्रीले धन्यवाद दिनुभएको थियो । हाम्रो प्रतिरक्षा कानूनसंगत थियो । फैसला त अदालतको विषय हो,’ खरेलले भने, ‘प्रधानमन्त्रीसँग म अहिले पनि छु, पछि पनि हुनेछु ।’

खरेलले आफू पदमा रहेर संविधान कार्यान्वयनमा जोड दिएको प्रसंग सुनाएका थिए । मौलिक हक कार्यान्वयन सम्बन्धी कानूनहरुको तर्जुमा, प्रदेश, स्थानीय तहको कानून निर्माणमा सहजीकरण गरेको उनले बताए ।

संहिता कार्यान्वयन, फौजदारी कानूनमा सुधार, संस्थागत सुधार गरेको दाबी उनले गरे । यस अवधिमा ३९ वटा सरकारी वकिलका कार्यालय भवन उद्घाटन भएको जानकारी खरेलले दिए । संविधान कार्यान्वयन र मुलुकी संहिता कार्यान्वयनका साथै फौजदारी न्याय प्रशासनको जिम्मेवारीमा आएकाले पूरा गरी फर्केको खरेलले बताएका छन् । खरेलले आफ्नो कार्यकालमा महान्यायाधिवक्ता र विभिन्न जिल्ला सरकारी वकिलको कार्यालय भवन निर्माणमा जोड दिएका थिए । आजको नागरिक दैनिकमा समाचार प्रकाशित छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

प्रचण्डसँग मिलेर केपी ओलीले दिए कडा निर्देशन, विरोध उत्रेका सांसद के गर्लान् ?