राजनीतिक विशेष
आलोचनाबाट बच्न र केन्द्रीय सदस्यलाई फकाउन ओलीको चियापान रणनीति
आलोचनाबाट बच्न र केन्द्रीय सदस्यलाई फकाउन ओलीको चियापान रणनीति
फाइल तस्वीर
काठमाडौं - प्रधानमन्त्री तथा एमाले अध्यक्ष केपी ओलीको सक्रिय राजनीति अब करिब करिब समाप्तिको दिशातिर उन्मुख भइरहेको संकेत देखिएको छ ।
एमालेका आफ्ना विरोधी र आलोचकलाई पार्टीबाटै निष्कासन गरेर एकल ढंगले चल्न थालेपछि ओलीको राजनीति अब सकिने दिशातिर उन्मुख भएको धेरैले अनुमान गरेका हुन् ।
दुई तिहाइ बलियो सरकारलाई प्रतिनिधिसभा विघटनको सिफारिस गरेर ओलीले आफ्नै खुट्टामा बन्चरो हानेको प्रमाणित भइसकेको छ । प्रतिनिधिसभा पुनःस्थापना भएपछि राजनीतिक गेम हारेका ओलीलाई नेकपा एकता खारेज हुनुले अर्को धक्का लगायो । एमाले र माओवादी केन्द्र अलग अलग अस्तित्वमा आएपछि ओलीलाई धेरैले शक्तिशाली बनेको भन्न थालेका थिए ।
तर, दुई हप्तामै ओली निकै कमजोर बनिसकेका छन् । ओली कार्यशैलीको माधवकुमार नेपाल र झलनाथ खनाल समूहले सशक्त ढंगले प्रतिवाद गर्ने घोषणा गरेपछि उनी अत्तालिएका छन् ।
त्यसैले उनले एमालेका केन्द्रीय सदस्यलाई फकाउन चियापान रणनीति अख्तियार गरेका छन् । उनले भोलि चैत ३ गते केन्द्रीय सदस्यहरुका लागि चियापान कार्यक्रम आयोजना गरेका हुन् ।
प्रधानमन्त्री निवास बालुवाटारमा भोलि बिहान ११ बजेदेखि चियापान तथा अनौपचारिक भेटघाट कार्यक्रम राखिएको छ । चैत ७ गते बस्ने १२ औं केन्द्रीय कमिटीको बैठकको सन्दर्भमा चियापान कार्यक्रम आयोजना गरिएको हो ।
प्रधानमन्त्री ओलीका तर्फबाट महासचिव ईश्वर पोखरेलले वरिष्ठ नेताद्वय नेपाल र खनालसहित स्थायी कमिटी सदस्यहरूलाई टेलिफोनबाट चियापान र अनौपचारिक संवादका लागि निम्तो दिएका छन् ।
प्रधानमन्त्री ओलीका प्रमुख स्वकीय सचिव इन्द्र भण्डारीले सबै केन्द्रीय सदस्यलाई मोबाइलमा निम्तोसहितको सन्देश पठाएका छन् । यसअघि १० औं र ११ औं बैठक नेपाल पक्षलाई थाहै नदिई राखेका ओलीले १२ औं बैठकमा भने सबैलाई उपस्थित हुन सार्वजनिकरुपमै निम्तो दिएका छन् ।
उनले नआएमा कारबाही गर्ने चेतावनी पनि दिएका छन् । तर, माधव झलनाथ समूहले नजाने स्पष्ट पारिसकेको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४