प्रधानमन्त्री हुने चर्चाबारे महन्थ ठाकुरको यस्तो जवाफ !
प्रधानमन्त्री हुने चर्चाबारे महन्थ ठाकुरको यस्तो जवाफ !
काठमाडौं – सत्ता सहकार्यबारे छलफल गर्न बसेको नेपाली कांग्रेस र जनता समाजवादी पार्टी (जसपा) बीचको बैठक सकिएको छ ।
कांग्रेस सभापति शेरबहादुर देउवाको निवासमा शुक्रबार अपराह्न बसेको कांग्रेस र जसपा नेताहरुबीचको बैठकले नेकपा माओवादी केन्द्रसँग समेत छलफल गर्ने निर्णय गरेको छ ।
नेपाली कांग्रेस प्रवक्ता विश्वप्रकाश शर्माले समेत शुक्रबारको बैठकले सत्ता समीकरणको बहस प्रवेश पाएको बताएका छन् । शर्माले भने, ‘छलफल सकारात्मक भएको छ । प्रतिपक्षको हैसियतले भूमिका कांग्रेसले खेल्नुपर्छ भन्ने उहाँहरुको भनाइ आएको छ । भोलि माओवादीसँग पनि छलफल गर्छौं ।’
अब कांग्रेसले अग्रसरता लिनुपर्नेमा जसपा नेताहरुबाट राय आएको शर्माले बताए । ‘थप परिपक्वताको प्रतिक्षा गर्नैपर्छ,’ उनले भने, ‘एकै धारणामा उपर्युक्त ढंगले सोच निर्माण गरेर अगाडि बढ्छौं ।’
जसपा अध्यक्ष महन्थ ठाकुरले दलहरुसँग मिलेर जाने छलफल भएको भन्दै कुनै ठोस सहमति नभएको बताएका छन् । ‘मिलेर जाने विषयमा छलफल भयो । केही सहमति भएको छैन । बृहत छलफल गर्नुपर्ने आवश्यकता रहेको निर्णय भयो,’ ठाकुरले भने ।
अब माओवादी केन्द्रसँग समेत छलफल गर्ने ठाकुरले बताएका छन् ।
प्रधानमन्त्रीमा ठाकुरको नाम चर्चामा रहेकोबारे सोधिएको प्रश्नमा उनले भने, ‘यस्तो राम्रो खबर ! त्यसका लागि तपाईंलाई धन्यवाद छ । प्लिजिङ सरप्राइज,’ उनले भने ।
यसअघि जसपा नेताहरूले प्रधानमन्त्री केपी शर्मा ओलीसँग सहकार्यबारे छलफल गरिसकेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४