राजनीतिक बिशेष
बादल ओलीतिर लागेपछि प्रचण्डलाई पनि छाडे यी दुई केन्द्रीय सदस्यले
बादल ओलीतिर लागेपछि प्रचण्डलाई पनि छाडे यी दुई केन्द्रीय सदस्यले
काठमाडौं - गृहमन्त्री रामबहादुर थापा बादल, उद्योगमन्त्री लेखराज भट्ट, ऊर्जामन्त्री टोपबहादुर रायमाझी, खानेपानीमन्त्री मणि थापा, श्रममन्त्री गौरीशंकर चौधरी, प्रभु साह, दावा लामालगायतका नेताहरू माओवादी केन्द्र छाडेर एमालेमा समाहित हुने निर्णयमा पुगेका छन् ।
जसले गर्दा माओवादी केन्द्रका अध्यक्ष पुष्पकमल दाहाललाई ठूलो धक्का लागेको छ । माओवादीका नेतालाई एमालेले चोर्ने रणनीति लिएसँगै प्रचण्डलाई आफ्ना नेता कार्यकर्ता जोगाउन धौ धौ हुने देखिएको छ ।
बादल समूहका तानेपछि अन्य नेताहरुलाई पनि ल्याउने ओलीको तयारी छ । यसैक्रममा बादल निकट मानिने प्रदेश १ का माओवादी केन्द्रका दुई केन्द्रीय सदस्य एमाले प्रवेश गर्ने भएका छन् ।
प्रदेश १ का संसदीय दलका उपनेता एवं माओवादी केन्द्रका केन्द्रीय सदस्य टंक आङ्बोहाङ र पूर्वसांसद पासाङ शेर्पा एमाले प्रवेश गर्न लागेका हुन् ।
केही दिनअगाडि प्रचण्ड–माधव नेपाल समूहमा लागेका आङ्बोहाङ र शेर्पा सर्वोच्च अदालतको फैसलापछि पार्टी परित्याग गर्ने निर्णयमा पुगेका छन् ।
शेर्पा ताप्लेजुङबाट माओवादी केन्द्रको तर्फबाट संविधानसभा सदस्य बनेका थिए । प्रचण्डले जनमतको कदर गर्न नसकेको भन्दै उनीहरुले एमालेमा समाहित हुने निर्णय लिएका हुन् ।
दुवै नेताले एमाले नेता सुवासचन्द्र नेम्वाङलाई भेटेर एमाले आउने जनाउ दिएका छन् । पछिल्लो समय माओवादी केन्द्र छोड्ने नेताहरुको संख्या बढेको छ ।
सरकारमा गएका प्रचण्ड निकट ६ जना नेता एमालेमा समाहित हुने भएपछि माओवादी केन्द्र छोड्नेको संख्या बढेको हो ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४