काठमाडौं – प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभा संसद विघटन गरेको निर्णय सर्वाेच्च अदालतले बदर गरिदिएपछि ओलीलाई ठूलो धक्का लाग्यो । तर पनि ओली अझै आसेपासेलाई नियुक्ति दिन रोकिएनन् ।

नेपाल कम्युनिस्ट पार्टी (नेकपा) संसदीय दलका नेता समेत रहेका प्रधानमन्त्री ओलीले नेकपा प्रचण्ड–नेपाल पक्षमा रहेका संसदीय दलको प्रमुख सचेतक देव गुरुङलाई हटाएर प्रचण्डलाई ठूलो धक्का दिएका छन् । गुरुङ पूर्व माओवादी पक्षबाट प्रमुख सचेतक बनेका थिए ।

नेकपा संसदीय दलका नेता रहेका ओलीले गुरुङलाई हटाएर खोटाङका सांसद विशाल भट्टराईलाई प्रमुख सचेतकको जिम्मेवारी दिएका हुन् ।

ओलीका प्रेस सल्लाहकार सूर्य थापाका अनुसार शुक्रबारदेखि भट्टराईलाई नयाँ नियुक्ति दिइएको छ । संसद विघटन गर्नुअघि पनि ओलीले गुरुङको राजीनामा मागेका थिए । तर उनी राजीनामा नदिई प्रचण्ड पक्षमा लागेका थिए ।

नेकपाको प्रचण्ड–माधव पक्षले यसअघि नै ओलीलाई संसदीय दलको नेताबाट हटाइसकेको छ भने प्रचण्डलाई संसदीय दलको नेता चयन गरेको छ । तर यो निर्णयलाई निर्वाचन आयोगले मान्यता दिएको छैन । संसद पुनर्स्थापना भएको अवस्थामा पार्टीको प्रमुख सचेतक पदलाई महत्त्वपूर्ण र ठूलो पद मानिन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध