काठमाडौं - सर्वोच्च अदालतले फागुन २० गते नेकपा विवादबारे फैसला गर्ने मिति तोकेपछि डबल नेकपाका नेता कार्यकर्ता तनावमा परेका छन् ।

निर्वाचन आयोगले ‘नेपाल कम्युनिस्ट पार्टी’को नामसँग मिल्ने गरी तत्कालीन नेकपा (एमाले) र नेकपा माओवादी केन्द्रबीचको एकतापछि बनेको ‘नेपाल कम्युनिस्ट पार्टी (नेकपा)’को नामलाई आधिकारिकता दिएको भन्दै नेकपाका अध्यक्ष ऋषि कट्टेलले २०७५ मंसिर २१ गते सर्वोच्चमा रिट दायर गरेका थिए ।

तर, दुई वर्षपछि उक्त रिटमाथि सुनुवाइ भएपछि त्यतिबेलै चासो बढेको थियो । अझ बिहीबार न्यायाधीशहरू बमकुमार श्रेष्ठ र कुमार रेग्मीको संयुक्त इजलासले फागुन २० गतेको मिति तोक्नुलाई अर्थपूर्ण मानिएको छ ।

अहिले फागुन २० गते सर्वोच्चले दिने फैसलाले केपी ओली र प्रचण्डलाई राम्रै झट्का लाग्ने अनुमान गरिएको छ । अब सो पार्टीको नाम कट्टेल नेतृत्वको नेकपाले पाए वर्तमान सरकारमा रहेको पार्टीले अर्को नाम पेस गर्नुपर्ने हुन्छ ।

यस्तो अवस्थामा कुन नाम लिएर जाने भन्ने बारेमा प्रधानमन्त्री केपी ओली र पुष्पकमल दाहाल प्रचण्ड फेरि एक ठाउँमा आउनुपर्ने हुन्छ । किनभने सर्वोच्चले नाम फेर्न भनेमा तत्कालीन एमाले र माओवादीबीचको एकता शून्य ठाउँबाट सुरु हुने निश्चित छ ।

यस्तो अवस्थामा ओली र प्रचण्ड पार्टीको नाम फेरौं भनेर फेरि एक ठाउँमा आउलान् ? सर्वत्र चासो देखिएको छ । किनकि अहिले ओली र प्रचण्डबीच बोलचाल बन्द छ । अहिले नेकपाको दुवै समूह राजनीतिक रुपमा विभाजन भइसकेको र कानुनी रुपमा विभाजन नभएको अवस्था छ ।

प्रचण्ड–माधव समूह कुनै पनि हालतमा ओलीसँग मिल्न नहुने अडानमा छन् । तर, दुवै पक्षका युवा नेताहरू वृद्ध नेतालाई अवकाश लिन दबाब दिइरहेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध