राजनीतिक विशेष
प्रधानमन्त्री ओलीले ठाउँको ठाउँ ढाँटे
प्रधानमन्त्री ओलीले ठाउँको ठाउँ ढाँटे
काठमाडौं - प्रधानमन्त्री केपी ओलीले आफ्नो नेतृत्वमा रहेको तीन वर्षे सरकारले गरेका कामको समीक्षा सुनाउने क्रममा ठाउँको ठाउँ सबैलाई ढाँटेका छन् ।
ओलीले देशको अर्थतन्त्रबारे उल्लेख गर्ने क्रममा कोरोना महामारीकै कारण सोचेजस्तो आर्थिक प्रगति हुन नसके पनि देशमा तीव्र विकास भएको र बेलायती पत्रिका ‘द इकोनोमिष्ट’ले नेपाललाई १० उदीयमान र उच्च आर्थिक बृद्धिको बाटो समातेका मुलुकमा समावेश गरेको उल्लेख गरे ।
त्यसैक्रममा उनले भने, ‘अर्थतन्त्रका सबै क्षेत्रहरुको बृद्धिदर ५ प्रतिशतभन्दा माथि पुग्यो । सातवटै प्रदेशको आर्थिक बृद्धि ६ प्रतिशतभन्दा वढी थियो । यहीबेला हामीले मात्र होइन, संसारमा कसैले पनि नसोचेको कोभिड–१९ को महामारी आयो ।
यसले विश्व अर्थतन्त्रको संरचना नै भत्कायो । केही मुलुकहरुको बृद्धि नकारात्मक रह्यो, कति मन्दीको चपेटामा परे । कैयौं देशका अर्थतन्त्र नराम्रोसँग खुम्चिन पुगे ।
हाम्रो पनि आर्थिक वृद्धिदर त घट्यो तर सरकारको सुझवुझ, नीतिगत स्पष्टता र पूर्व सक्रियताका कारण नेपाली अर्थतन्त्र मन्दीको चपेटामा परेन । तीन वर्षको औसत बृद्धि साढे पाँच प्रतिशतको हाराहारी रह्यो । कोभिड–१९ को असर घट्दै जाँदा अहिले हाम्रो अर्थतन्त्र फेरि पुरानै लयमा फर्कदैछ ।’
ओलीले नेपालमा कोरोनाले त्यति असर नगरेको दाबी गरे पनि उच्चस्तरीय अध्ययन समितिले ४ प्रतिशतले नेपालमा गरिबी बढाएको देखाएको छ । अध्ययन प्रतिवेदन लुकाएर ओलीले जनताले फेरि पनि ढाँटेका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४