काठमाडौं – प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभा विघटन गरेपछि सर्वाेच्च अदालतमा परेको मुद्दा विचाराधीन छ ।

सर्वाेच्च अदालतको संवैधानिक इजलासमा मुद्दा विचाराधीन रहे पनि पक्षविपक्षमा बहस भइरहेको छ । कतिपयले अदालतमा विचाराधीन मुद्दा प्रभावित हुने गरी नै अभिव्यक्ति दिन थालेकोमा समेत चिन्ता व्यक्त हुने गरेको छ ।

यसै बेला नेपाल कम्युनिस्ट पार्टी (नेकपा) प्रचण्ड–नेपाल पक्षका स्थायी कमिटी सदस्य देव गुरुङले विघटित प्रतिनिधि सभालाई अदालतले पुनर्स्थापना नगरे आन्दोलनबाट पुनर्स्थापना गर्ने तयारी रहेको बताएका छन् ।

शुक्रवार बुटवलमा पत्रकारहरूसँग कुरा गर्दै गुरुङले २०५९ सालमा राजा ज्ञानेन्द्रले विघटन गरेको संसद आन्दोलनको बल र राजनीतिक सहमतिमा २०६३ सालमा सञ्चालन भएजस्तै अहिले पनि सञ्चालन गर्न सकिने बताएका छन् ।

सर्वोच्च अदालतले विघटनलाई बदर गरेमा स्वतः सञ्चालन हुने र नभए आन्दोलनको बलमा पुनर्स्थापना हुने नेता गुरुङले बताएका छन् ।
 
सर्वोच्चबाट विघटन बदर नभए हालको आन्दोलन जनविद्रोहमा परिणत हुनसक्ने गुरुङले बताएका छन् । ‘प्रधानमन्त्री र राष्ट्रपतिले निर्णय गर्दैमा प्रतिनिधिसभा विघटन हुन सक्दैन,’ उनले भने, ‘यो कदमको विरोधमा सबैजसो दल, नागरिक, समाज र मिडिया उभिएका छन् । त्यसैले सर्वोच्चले संविधान अनुसार पुनर्स्थापना गर्छ भन्ने विश्वास छ, नभए आन्दोलनले गर्छ ।’

प्रधानमन्त्री ओलीले घोषणा गरेको चुनाव संविधान विपरीत भएकाले चुनाव नहुने नेता गुरुङले ठोकुवा गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध