काठमाडौं – जनता समाजवादी पार्टी (जसपा) संघीय परिषद्का अध्यक्ष तथा पूर्व प्रधानमन्त्री डा. बाबुराम भट्टराईले पछिल्लो समय नेपाली कांग्रेसविरुद्ध अभिव्यक्ति दिइरहेका छन् ।

आज बिहीबार संखुवासभाको खाँदबारीमा जसपाले आयोजना गरेको पत्रकार सम्मेलनमा बोल्दै अध्यक्ष भट्टराईले कांग्रेसमाथि ढुलमुले भएको आरोप लगाएका छन् ।

ओलीको असंवैधानिक कदमविरुद्ध नेपाली कांग्रेसले ढुलमुले चरित्र देखाइरहेको डा. भट्टराईको आरोप छ । गत प्रतिनिधिसभा निर्वाचनमा कांग्रेसकै भोटले जितेका भट्टराई कांग्रेसविरुद्ध आक्रामक अभिव्यक्ति दिन थालेका छन् ।

उनले नेपाली कांग्रेसको अनिच्छाका कारण संयुक्त आन्दोलनमा जान नसकिएको समेत आरोप लगाए । 

नेकपा विभाजनको औपचारिक टुंगो नलाग्नु र कांग्रेस पर्ख र हेरको अवस्थामा रहेकाले राजनीतिक दलहरूबीच साझा आन्दोलन हुन नसकेको डा. भट्टराईको दाबी छ ।

राज्यका सबै अंग नियन्त्रणमा लिएर दुईतिहाइ मत प्राप्त प्रधानमन्त्रीले प्रतिनिधिसभा भंग गर्नु चरम निरंकुशता र तानाशाही प्रवृत्ति भएको समेत भट्टराईले बताए । 

‘यस्ता शासक जतिसुकै बलिया ठानिए पनि छिट्टै पतन हुने र अरुलाई पनि सर्वनास पार्ने गर्छन्,’ उनले भने । प्रतिगमन धेरै नटिक्ने भन्दै भट्टराईले नागरिकको अधिकार नमिच्न र संविधानमाथि आक्रमण नगर्न ओलीलाई चेतावनी समेत दिएका छन् ।

प्रतिनिधिसभा पुनर्स्थापना विना कुनै हालतमा निर्वाचन नहुने बताउँदै भट्टराईले ओलीले सत्ता लम्ब्याउन चुनावी तयारीको नाटक गरिरहेको आरोप लगाएका छन् ।

भोलि शुक्रवार हुने विरोध सभालाई सम्बोधन गर्न पत्नी हिसिला यमीसहित नेता भट्टराई संखुवासभाको खाँदबारी पुगेका छन् । 

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग