काठमाडौं - निर्वाचन आयोगले नेकपा विभाजनलाई स्वीकार गर्न नसक्ने निर्णय गरेपछि प्रधानमन्त्री केपी ओली पक्ष खुसीले उफ्रिएको छ । ओली पक्षका नेता कार्यकर्ता अहिले माधव नेपाल प्रचण्ड समूहकोृ उछितो काढ्न व्यस्त देखिएका छन् ।

निर्वाचन आयोगले कानुनी रूपमा नेकपा एउटै भएको भन्दै आयोगमा पेस भएका विवरणलाई मान्यता दिन नसकिने आइतबार जनाएको हो । तर, माधव नेपाल प्रचण्ड समूह भने आयोगको यो निर्णयबाट आक्रोशित भएको छ ।

उसले निर्वाचन आयोगको पत्र आएपछि मात्रै औपचारिक प्रतिक्रिया दिने जनाएको छ । सो समूहले आइतबार नै प्रधानमन्त्री ओलीलाई पार्टीको साधारण सदस्यबाट हटाइसकेको छ ।

व्यावहारिक रूपमा नेकपा दुई टुक्रा भइसकेको छ । किनभने दुवै समूह फुटकै मनस्थितिमा छन् । प्रधानमन्त्री ओलीले धेरै कमजोरी गरेकाले निर्वाचन आयोग ओलीको छायाँमा परेर यस्तो निर्णय आएको हुन सक्ने धेरैले विश्वास गरेका छन् । किनभने प्रमुख निर्वाचन आयुक्त दिनेश थपलिया ओलीले नै नियुक्त गरेका हुन् । उनी पूर्वएमाले निकट कर्मचारी हुन् ।

नेकपा विभाजन हुन नदिन भन्दै चिनियाँ राजदूत होउ यान्छीको दौडधूप निकै थियो । उनले पटकपटक राष्ट्रपति विद्यादेवी भण्डारी र प्रधानमन्त्री केपी ओलीलाई भेटेर नेकपा विभाजन रोक्न दबाब दिएकी थिइन् ।

वामदेव गौतमले त नेकपा एकता अभियान नै चलाएका छन् । यी सबैको दबाब र निर्वाचन आयोगको सुपरग्लुले नेकपा विभाजन रोकिएला त ? अहिले धेरैको चासो यसमै छ । दुवै समूहले देशभर ठूल्ठूला आमसभा गरिसकेको छ ।

ओलीप्रतिगमनविरुद्ध प्रचण्ड नेपाल समूह सडक आन्दोलनमा छ । निर्वाचन आयोगले नेकपा एउटै भएको निर्णय गरे पनि ओली नेकपाले भने माघ २३ गते काठमाडौंमा विरोध सभा गरेरै छाड्ने भएको छ ।

प्रतिनिधिसभा विघटनको विरुद्धमा नेकपा प्रचण्ड–माधव समूहले माघ ९ गते काठमाडौंमा बृहत् प्रदर्शन गरेको थियो । सो विरोध सभालाई काउन्टर दिन प्रधानमन्त्री ओलीले माघ २३ गते ‘आमसभा कस्तो हुन्छ देखाइदिने’ घोषणा गरेका थिए । यस्तो अवस्थामा दुई नेकपा एक होलान् भन्ने धेरैमा विश्वास छैन ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध