काठमाडौं – ओखलढुंगा जिल्लाको सुनकोशी गाउँपालिका–९ कटुन्जेमा आयोजित संसद विघटन, सर्वसत्तावाद र भ्रष्टाचारविरुद्ध लोकतान्त्रिक संविधान रक्षाका पक्षमा आयोजित विरोध सभामा तत्कालीन नेकपा एमालेका पूर्व वडा सदस्य फागुकुमारी सुनुवार लगायत कार्यकर्ता नेपाली कांग्रेसमा प्रवेश गरेका छन् ।

नेकपाका संगठन सदस्यहरू सुवास केसी, ओम भुजेल, नवीन भुजेल लगायत ५८ जना नेकपा कार्यकर्ता बिहीबार कांग्रेसमा प्रवेश गरेका हुन् । नवप्रवेशीलाई पूर्व सांसद तथा नेपाली कांग्रेसका प्रभावशाली युवा नेता रामहरि खतिवडाले स्वागत गरेका छन् ।

विरोध कार्यक्रमलाई सम्बोधन गर्दै नेता खतिवडाले ओली र कम्युनिस्टहरूले सरकार चलाउन नसकेको बताए । ‘जनताले निर्वाचित गरेको संसदको हत्या भएको छ,’ खतिवडाले भने, ‘कम्युनिस्टलाई संस्कार सिकाउँछौं भनेका थियौं । संसदीय व्यवस्था नमान्नेलाई संसदवादी बनायौं । शिक्षक मार्नेलाई संसदमा लग्यौं । ओली र नेकपाले संसद विघटन गरेर जनतामाथि ठूलो घात गर्नुभएको छ ।’

पार्टी प्रवेशमा कांग्रेस जिल्ला पार्टी सभापति प्रदीपकुमार सुनुवार, पूर्व सांसद तथा नेपाली कांग्रेसका प्रभावशाली युवा नेता रामहरि खतिवडा, जिल्ला उपसभापति तेजेन्द्र खनाल, सचिव रुद्र अधिकारी, युवा नेता अशोक कार्की, कमल तामाङ, बालकृष्ण दाहाल र सर्वधन तामाङले स्वागत गरेका नेता खतिवडाका स्वकीय सचिव हुकुम राईले जानकारी दिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग