काठमाडौं – नेपाली कांग्रेसका चर्चित युवा नेता तथा प्रवक्ता विश्वप्रकाश शर्माले गत निर्वाचनमा कांग्रेसले हारेर फाइदै भएको दाबी गरेका छन् ।

शनिबार भक्तपुरको मध्यपुरमा आयोजित विरोध सभालाई सम्बोधन गर्दै प्रवक्ता शर्माले चुनावमा हारेर कांग्रेसलाई फाइदा भएको बताए ।

उनले रोचक कथा सुनाउँदै कांग्रेसलाई भएको फाइदाबारे प्रष्ट पार्न खोजे ।

यस्तो छ कथा –

राजा अकबर र उनका मन्त्री वीरबल एकदिन सँगै बसेर आँप खाइरहेका थिए । छुरीले आँप ताछ्दै खाँदै गरिरहेको बेला अकबरको औला छुुरीले काटेछ । राजाको औला काटेको देखेपछि हत्तपत्त रानी आएर सारीको टुक्रा च्यातेर औलामा बाँधिदिइछन् । त्यो देखेका बीरबलले भनेछन् – जे भयो महाराज ठीकै भयो । अकबरले झोक्किँदै भनेछन् – हात काटेर रगत आएको बेला ठीक भयो भन्ने ? बीरबलले फेरि भनेछन् – जे हुन्छ ठीकै हुन्छ । 

रिसाएका अकबरले सेना बोलाएर भनेछन् – टाउको तल खुट्टा माथि राखेर वीरबललाई थुन । भोलिपल्ल बिहान अकबर एक्लै शिकार गर्न गएको बेला वन मान्छेले पक्रेछन् । जंगलको राजाले बली चढाउन खोजेको भन्दै अकबरलाई जंगलको राजाकोमा लगेछन् । 

अकबरले आफू राजा भएको बताएपछि शहरको राजा शहरमा होलास् जंगलमा हुँदैन भनेर बली चढाउने ठाउँमा लगेछन् । बली चढाउने बेलामा जंगलको राजाले अकबरको हातमा काटिएको देखेपछि यो हुँदैन चोखो चाहिन्छ भनेछ । अकबरले आफूले हिजो मात्र बलि चढाएको भनेपछि उनी फुत्केर दरबार आएछन् ।  

बीरबलले हिजो जे भयो ठीकै भयो भनेर ठीकै भनेको रहेछ भनेर अकबरले बीरबलसँग माफी मागेछन् । हिजो औला नकाटेको भए आज मेरो के हाल हुने रहेछ भन्दै वीरबलको खुट्टा छोएर माफ माग्दै भनेछन् – हिजो यो औला नकाटेको भए मेरो बलि दिने रहेछन् ।

अनि बीरबलले भनेछन् – तपाईंले मलाई थुनेर ठीक गर्नुभयो । तपाईंले मलाई नथुनेको भए शिकार खेल्ने बेला आज मेरो चिलिम फर्किने वाला थियो ।
 
रोचक कथा सुनाएर प्रवक्ता शर्माले गत चुनावमा कांग्रेस हारेर ठीक भएको बताएका छन् । ‘हामी हारेर ठीकै भएको रहेछ, नहारेको भए कम्युनिस्ट सरकार बन्ने थिएन, कम्युनिस्ट सरकार नबनेको भए जनताको भ्रम टुट्ने थिएन । अहिले जनताले बुझ्ने अवसर पाए, त्यसैले हामीले हारेर पनि ठीकै भयो,’ उनले भने ।  

प्रवक्ता शर्माले तत्कालीन एमाले र माओवादी केन्द्रको एकीकरण सैद्धान्तिक आधार विना नै भएको बताएका छन् । ‘माओवादीको डिजेल र जबजको पेट्रोल मिसाइदिएपछि गाडी सिज हुने नै थियो, अहिले त्यहीँ भयो,’ उनले भने ।  

प्रतिनिधिसभा विघटन गरेर देश अनिश्चयमा फसेकाले कांग्रेस लगायत दलहरू आन्दोलनमा जानुपरेको प्रवक्ता शर्माले बताएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग