राजनीतिक विशेष
प्रचण्ड भारत गएको मौका पारी पूर्वएमाले एकजुट बनाउन बालुवाटारको यस्तो रणनीति
प्रचण्ड भारत गएको मौका पारी पूर्वएमाले एकजुट बनाउन बालुवाटारको यस्तो रणनीति
काठमाडौं - प्रधानमन्त्री केपी ओलीले सार्वजनिक कार्यक्रममा जति नै प्रचण्ड र माधवकुमार नेपालहरुलाई गालीगलौज गरेर उडाए पनि नेकपा विभाजन भएकोमा निकै खिन्न छन् ।
खासगरी पूर्वएमालेको ठूलो पंक्तिले आफूलाई छाडेपछि ओलीमा चिन्ता बढेको हो । पार्टीका युवा नेता र तठस्थ बस्दै आएका नेताहरूले पूर्वएमालेलाई फर्काउन प्रधानमन्त्री ओलीलाई सल्लाह दिएपछि बालुवाटारले नयाँ रणनीति अख्तियार गरेको छ ।
स्रोतका अनुसार पुष्पकमल दाहाल प्रचण्ड पत्नी सीता दाहालको उपचारका लागि भारत गएको मौका पारी बालुवाटारले नयाँ नीति अख्तियार गरेको छ ।
त्यसको संकेत सोमबार नै देखिइसकेको छ । ओली निकट नेताहरु ईश्वर पोखरेल र शंकर पोखरेलले क्रमशः सिरहा र चितवनमा पूर्वमाओवादी पक्षका नेताहरुको मात्र आलोचना गरेको, पूर्वएमाले पक्षका नेताहरूबारे उच्चारणसमेत गरेनन् ।
ईश्वर पोखरेलले प्रचण्डले प्रधानमन्त्री ओलीविरुद्ध ल्याएको राजनीतिक प्रस्ताव फिर्ता गरे र निर्वाचन स्वीकार पार्टी एक हुने घोषणा गरे । अर्कोतर्फ चितवनमा शंकर पोखरेलले प्रचण्डलाई प्रधानमन्त्री बन्नबाट रोक्नकै लागि प्रतिनिधिसभा भंग गरिएको खुलासा गरे । उनले प्रचण्डकै कारण अहिलेको अवस्था आएको भन्दै पूर्वएमाले नेताहरुबारे केही भनेनन् ।
स्रोतका अनुसार बालुवाटारले अहिले प्रचण्डतिर लागेका पूर्वएमाले पक्षका नेतालाई फकाउने नीति अख्तियार गरेको छ । माधवकुमार नेपाल, झलनाथ खनाललगायतका नेतालाई आफूतिर तान्न सके पूर्वमाओवादी पक्षका नेता मात्रै चोइटिने, त्यसलाई आफ्नो पक्षलाई खासै फरक नपर्ने बालुवाटारको बुझाई छ । बालुवाटारलाई यो कदम चाल्न वामदेव गौतमले भित्रभित्रै खेलिरहेको बुझिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४