राजनीतिक विशेष
चीनको यस्तो रणनीतिले ओलीको पद संकटमा, आज बेइजिङबाट आउँदैछन् चिनियाँ दूत
चीनको यस्तो रणनीतिले ओलीको पद संकटमा, आज बेइजिङबाट आउँदैछन् चिनियाँ दूत
काठमाडौं - केही दिनअघि चिनियाँ राजदूत होउ यान्छीको दौडधूपपछि बेइजिङले नेकपामाथि हस्तक्षेप गर्न आज उपमन्त्रीलाई काठमाडौं पठाउँदैछ ।
नेकपाको विभाजनपछिको परिस्थिति आँकलन गर्न चिनियाँ कम्युनिस्ट पार्टीको चार सदस्यीय प्रतिनिधिमण्डल आज काठमाडौं आउँदै छ । अन्तर्राष्ट्रिय समन्वय विभागका उपमन्त्री गुओ येझाउको नेतृत्वको प्रतिनिधिमण्डल चार दिने भ्रमणका लागि नेपाल आउन लागेको हो ।
उनको टोलीले राष्ट्रपति विद्यादेवी भण्डारी, प्रधानमन्त्री केपी ओली, नेकपाका दुवै खेमाको नेतृत्व र काँग्रेसका शीर्ष नेतासँग भेट्ने कार्यक्रम छ । उपमन्त्री गुओ राष्ट्रपति भण्डारीले ५ पुसमा संसद् विघटन गरेपछि नेपाल आउने पहिलो विदेशी अधिकारी हुनेछन् ।
चीनले बरु प्रधानमन्त्री केपी ओलीले सत्ता छाडुन् तर नेकपा विभाजन नहोस् भन्ने चाहेको छ । त्यसकै लागि पनि बेइजिङले चार दिन नेपालमा बस्ने गरी आफ्ना उपमन्त्री पठाएको हो । उनले नेकपालाई विभाजन हुन नदिन भरमग्दुर प्रयास दिनेछन् ।
बेइजिङको रणनीति सफल भएमा नेकपा टुक्रिनबाट रोकिनेछ, तर ओलीले प्रधानमन्त्रीको कुर्सी गुमाउने बताइन्छ । पछिल्लो समय नेकपालाई विभाजन गर्ने गरी प्रचण्ड, माधव नेपाललगायतका नेताहरूलाई ओलीले बाइपास गरेको चीनले मन पराएको देखिएको छ । नेकपा र चिनियाँ कम्युनिस्ट पार्टीबीच भाइचारा सम्बन्ध कायम भएकाले पनि चीनले हस्तक्षेप गर्न लागेको हो ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४