काठमाडौं – नेपालका लागि चिनियाँ राजदूत हाउ यान्छीको गत साता काठमाडौंमा भएको तीव्र राजनीतिक भेटघाटपछि दिल्लीका मुख्य पत्रपत्रिका र थिंक–ट्यांकको एउटा वृत्तले काठमाडौंमा चीनको प्रभाव बढिरहेको विश्लेषण गरेको छ ।

भाजपाका विदेश विभाग प्रमुख विजय चौथाइवालेको मंसिर तेस्रो साता भएको नेपाल भ्रमण तरंग टुङ्गिँदैन फेरि चिनियाँ कम्युनिस्ट पार्टीको अन्तर्राष्ट्रिय विभागका उच्च अधिकारीले आइतबारबाट नेपाल भ्रमण गर्नुलाई दिल्लीमा चीन ‘थप सक्रिय भएको’ भन्न थालिएको खबर कान्तिपुर दैनिकमा छापिएको छ ।

नेकपा र चिनियाँ कम्युनिस्ट पार्टी ९सीपीसी० बीच भाइचारा सम्बन्ध स्थापित भएपछि उत्तर र दक्षिणसँगको ‘निकटता’ र ‘दूरी’ एकैसाथ झल्कन सुरु भएको समाचारमा उल्लेख छ । यसबीचमा नेकपाभित्र शक्ति संघर्ष जारी हुनुका साथै संघर्ष चाँडै विभाजनका रुपमा टुंगिनेमा दिल्ली आशावादी भयो । तर नेकपाको भदौ २६ गते अध्यक्ष केपी ओलीले ५ वर्ष प्रधानमन्त्रीका रुपमा काम गर्ने र अर्का अध्यक्ष प्रचण्डले कार्यकारी अध्यक्षको भूमिकामा रहने सहमति बन्यो ।

उक्त समझदारी भारतको अपेक्षा विपरित थियो भने त्यसपछि ओलीको तत्काल बहिर्गमन सम्भव नभएको निष्कर्षमा भारत पुग्दै दिल्लीले ओली नेतृत्वको संस्थापनसँग सहकार्य गर्ने नीति लिएको देखिन्छ । अहिले प्रधानमन्त्री ओलीको प्रतिनिधिसभा विघटन गर्ने निर्णयमा भारतले अर्थपूर्ण तरिकाले मौनता साधेको छ। चीनसँग ओली टाढिँदै गएपछि ओली भारतसँग निकटता बढाएको पनि समाचारमा जनाइएको छ ।

चिनियाँ राजदूतले गत असारको भेटमा ‘पार्टी फुटाउनु भन्दा बरु प्रधानमन्त्री पद छाड्न’ आग्रह गरेपछि ओली चीनबाट टाढिँदै गएका थिए ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध