काठमाडौं -नेपाल कम्युनिस्ट पार्टी (नेकपा)को बागमती प्रदेश संगठन कमिटी, काठमाडौंमा केन्द्रको विवाद देखिएको छ ।

नेकपाका अध्यक्ष समेत रहेका प्रधानमन्त्री खड्गप्रसाद ओली र दोस्रो वरीयताका अध्यक्ष पुष्पकमल दाहाल ‘प्रचण्ड’ तथा वरिष्ठ नेता माधवकुमार नेपालबीच विवाद देखिएका बेला बागमती प्रदेश कमिटीमा पनि विवाद देखिएको हो ।

बागमती प्रदेश कमिटीका सचिव आनन्द पोखरेलले पुस ७ गतेका लागि बैठक बोलाएपछि ईञ्चार्ज अष्टलक्ष्मी शाक्य र अध्यक्ष नारायण दाहालले बैठक बिथोल्न कुनै गतिविधि गरेका हुन् ।

बामगती प्रदेशका केन्द्रीय सदस्य र प्रदेश सदस्यको जरुरी मिटिङ पुस ७ गतेका सचिव पोखरेलले काठमाडौंको तीनकुनेस्थित रोयल बैंक्वेटमा ११ बजेका लागि बोलाएका छन् ।

सचिव पोखरेल नेकपाका अध्यक्ष समेत रहेका प्रधानमन्त्री ओली निकट मानिन्छन् । ईञ्चार्ज शाक्य वरिष्ठ नेता नेपाल र अध्यक्ष नारायण दाहाल दोस्रो वरीयताका अध्यक्ष प्रचण्ड निकट मानिन्छन् । नारायण दाहाल नाताले प्रचण्डका भाई समेत हुन् ।

शाक्य र दाहालले सोमबार संयुक्त रुपमा सूचना जारी गरेर भनेका छन्, ‘बागमती प्रदेशका केन्द्रीय सदस्य र प्रदेश सदस्यको जरुरी मिटिङ पुस ७ गतेका लागि रोयल बैंक्वेट, तिनकुनेमा ११ बजे बस्नेत भनि प्रदेश सचिव आनन्द पोखरेलको नाममा सूचना सम्प्रेषण भएको कुरा जानकारीमा आएकोले प्रदेशमा बैठक बस्ने कुनै पनि छलफल भएको छैन ।’

‘सोही दिन पार्टीको स्थायी कमिटीको निर्णयरअनुसार केन्द्रीय कमिटीको बैठक डाकिएको कुरा सर्वविदितै छ’, शाक्य र दाहालले भनेका छन् ।

‘आगामी दिनहरूमा प्रदेशका सबै विषयहरूको आधिकारिक जानकारी र सूचना प्रदेश ईञ्चार्ज अष्टलक्ष्मी शाक्य र अध्यक्ष नारायण दाहालको नामबाट मात्र आउने कुराको जानकारी गराउँदछौँ’, सूचनामा उल्लेख छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध