काठमाडौँ- कम्युनिस्ट प्रधानमन्त्री केपी शर्मा ओलीले विघटित प्रतिनिधिसभा पुनर्स्थापनाको कुनै सम्भावना नरहेको भन्दै चुनावको तयारीमा जुट्न निकटस्थ नेताहरूलाई निर्देशन दिएका छन् ।

उनले प्रतिनिधि सभाको विघटन आफ्नो रहर नभई बाध्यता भएकाले पुनर्स्थापना नहुने बताए । ओलीले पूर्व एमालेहरू फेरि एकजुट हुनुपर्ने अवस्था आएको पनि उल्लेख गरे ।

सोमबार बालुवाटारमा आफू पक्षधर सांसदहरूको भेलालाई सम्बोधन गर्दै ओलीले चुनावको तयारीमा जुट्न निर्देशन दिएका छन् । ‘प्रतिनिधिसभा विघटन रहरले गरिएको होइन, पार्टी भित्रकै साथीहरू प्रतिपक्ष जस्तो भएपछि यो बाध्यात्मक अवस्था सिर्जना भएको हो,’ ओलीको भनाइ उद्धृत गर्दै स्रोतले भन्यो, ‘प्रतिनिधिसभा पुनर्स्थापनाको कुनै सम्भावना छैन, चुनावको तयारीमा लाग्नुस् ।’

प्रधानमन्त्री ओलीले जनतासँग माफी माग्दै फेरि भोट दिन आग्रह गर्नुपर्ने बताए । सम्बोधनका क्रममा ओलीले कार्यकारी अध्यक्ष पुष्पकमल दाहाल ‘प्रचण्ड’ले राजनीतिक बेइमानी गरेको आरोप लगाए ।

‘हाम्रा साथीहरूलाई प्रचण्डले ललिपप देखाएर लगेका छन्, तारा झारिदिने आश्वासन दिएका छन्, तारा त त्यस्तै हो, भोलि बंगारा झारेर रोडमा पठाउँछन्, हेर्दै जानुहोला,’ ओलीको भनाइ उद्धृत गर्दै बैठकमा सहभागी एक नेताले भने ।

भेलालाई पार्टी महासचिव एवं अर्थमन्त्री विष्णु पौडेलले सम्बोधन गर्दै सहमतिका लागि गरिएका प्रयास असफल भएपछि प्रतिनिधिसभा विघटनको बाध्यात्मक अवस्थामा जानु परेको उनले बताएका छन् । भेलामा पूर्व माओवादी पृष्ठभूमिका नेता लेखराज भट्ट समेतको सहभागिता रहेको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रचण्डको गोप्य षड्यन्त्र थाहा पाएपछि केपी ओली पार्टीबाट भागे, ‘जे मन लाग्छ त्यही गर्नुस्’

नेकपामा बल्झियो भयंकर लफडा, यस्तो छ बैठक स्थगित हुनुको भित्रि रहस्य !

ईश्वर पोखरेलले प्रचण्डलाई बोकाए ठूलो दोषको भारी !

धुम्बाराहीबाटै उठ्यो ओलीविरुद्ध विद्रोह, भीम रावल र जनार्दन शर्मालाई नेतृत्व !

केपी ओलीलाई र्‍याखर्‍याख्ती पार्ने प्लान : ७० करोड घुसकाण्डदेखि अपहरण काण्ड चर्किने !

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध