आन्दोलनरत उखु किसानको समर्थनमा उभिए रामचन्द्र पौडेल र रामहरि खतिवडा
आन्दोलनरत उखु किसानको समर्थनमा उभिए रामचन्द्र पौडेल र रामहरि खतिवडा
काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकारले गत वर्ष गरेको सहमति अनुसार भुक्तानी दिलाउन नसकेपछि तराईका उखु किसान आन्दोलन गर्न काठमाडौं आएका छन् ।
वर्षाैंदेखि उखु बेचेको भुक्तानी नपाएपछि हैरान भएका किसानले आन्दोलन गरिरहँदा समेत ओली सरकारले भुक्तानी दिलाउन सकेको छैन । उद्योग, वाणिज्य तथा आपूर्तिमन्त्री लेखराज भट्टले भुक्तानी नदिने उखु किसानलाई बचाउन नेताहरूकै फोन आउने गरेको बताए पनि नाम खुलाएका छैनन् । तर किसान भुक्तानी नपाएर आन्दोलन गरिरहेका छन् ।
उखु किसानको समस्या र आन्दोलनलाई कम्युनिस्टले बेवास्ता गरिरहेका बेला प्रमुख प्रतिपक्षी दल नेपाली कांग्रेसका नेताहरू भने उखु किसानको आन्दोलनको समर्थनमा उभिएका छन् ।
नेपाली कांग्रेसका वरिष्ठ नेता रामचन्द्र पौडेल र युवा नेता तथा पूर्व सांसद रामहरि खतिवडा आन्दोलनमा सहभागी हुन काठमाडौंको माइतीघर मण्डला नै पुगेका छन् ।
चिनी उद्योगले वर्षाैंसम्म उखुको भुक्तानी नदिएपछि गत आईतबारदेखि काठमाडौंको माइतीघरमा उखु किसानले ओली सरकारविरुद्ध आन्दोलन गरिरहेका छन् । नेता पौडेल र खतिवडाले किसानसँगै धर्नामा बसेर उखु किसानको आन्दोलनमा समर्थन जनाएका छन् ।
समाजवादउन्मुख राज्यमा किसानले उत्पादनको भुक्तानी नपाउनुपर्ने अवस्थाबारे नेता पौडेलले सरकारलाई प्रश्न गरेका छन् । ‘राज्यको यत्रो संयन्त्र हुँदाहुँदै कसरी उम्कन्छन् भुक्तानी नदिने व्यापारी ? त्यसैले कांग्रेस पनि किसानसँगै आन्दोलनमा सहभागी भएको छ,’ पौडेलले भने ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४