कम्युनिस्टविरुद्ध सडकमा उत्रिने सबैलाई सभापति देउवाको बधाई, थप संघर्ष गर्ने उद्घोष (पूर्णपाठ)
कम्युनिस्टविरुद्ध सडकमा उत्रिने सबैलाई सभापति देउवाको बधाई, थप संघर्ष गर्ने उद्घोष (पूर्णपाठ)
काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकारका भ्रष्ट र निरंकुश गतिविधिविरुद्ध सडकमा उत्रिने सबैलाई नेपाली कांग्रेसका सभापति शेरबहादुर देउवाले बधाई दिएका छन् ।
कांग्रेसको आह्वानमा सोमबार भएको देशव्यापी प्रदर्शन समापनपछि वक्तव्य जारी गर्दै सभापति देउवाले आगामी दिनमा थप संघर्ष गर्ने उद्घोष गरेका छन् ।
यस्तो छ वक्तव्य –
सर्वसत्तावादविरुद्ध व्यापक जनमत प्रकट ! पार्टीलाई नवीन उर्जा !
देशव्यापी प्रदर्शनमा सहभागी सबैलाई विशेष बधाई !
आज मंसिर २९ गतेका लागि निर्धारित देशव्यापी प्रदर्शनमा भएको व्यापक सहभागिताले वर्तमान कम्युनिष्ट सरकार र उसको सर्वसत्तावादी प्रवृत्ति विरुद्ध जनमत प्रकट गरेको छ । एक्काइसौं शताब्दीको नेपाली जनता लोकतन्त्र र संघीय लोकतान्त्रिक गणतन्त्रको मुल मार्गबाटनै देशको भविष्य सुनिश्चित गर्न चाहन्छ भन्ने बलियो मत आज प्रकट भएको छ ।
आजको प्रदर्शनले नेपाली कांग्रेस पार्टीलाई नवीन उर्जा प्रदान गरेको छ । यो उर्जालाई क्रमिक अभिवृद्धि गर्दै नेपाली कांग्रेस आगामी दिनमा अझ सशक्त ढंगले अघि बढ्ने उद्घोष म गर्न चाहन्छु ।
प्रदर्शनमा उत्साहपूर्वक सहभागी देशभरिका साथीहरूलाई म विशेष बधाई ज्ञापन गर्दछु । प्रदर्शनमा सहभागिता र शुभेच्छा राख्ने जनसमुदाय र प्र्रदर्शनको तयारीमा अहोरात्र खट्ने साथीहरूप्रति सम्मान प्रकट गर्दै समाचार प्रसारण मार्फत योगदान पुर्याउनु हुने देशभरिका सबै पत्रकार मित्रहरूमा धन्यवाद व्यक्त गर्दछु ।
सामाजिक सञ्जाल मार्फत योगदान पुर्याउने विशेषतः युवा पंक्तिलाई बधाई र सम्मान व्यक्त गर्दछु ।
जय नेपाल !
शेरबहादुर देउवा
सभापति
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४