काठमाडौं – कांग्रेस नेता रामचन्द्र पौडेललाई प्रहरीले पक्राउ गर्दा उनको छातीमा चोट लागेको छ । पौडेलका स्वकीय सचिव चिरञ्जीवी अधिकारीले प्रहरीले नियन्त्रणमा लिंदा पौडेलको छातीमा चोट लागेको जानकारी दिए । ‘छुटेलगत्तै दमौलीको रत्नहरि अस्पताल पुगेर छातीको एक्सरे गराउँदा हड्डी भाचिएको देखिएन ।

तर, प्रहरीले धरपकड गर्दा लठ्ठीले घोच्दा छातीको मासु थिलथिलिएर घाउ भएको रहेछ’ पौडेलका स्वकीय सचिव अधिकारीले भने, ‘डाक्टरले दुखाई कम गर्ने औषधी पाँच दिनलाई खान भनेका छन् । तर उहाँ बोल्न पनि नसक्ने हुनुभएको छ ।’ छातीमा बाहिरबाटै देखिने घाउ लागेको उनले जानकारी दिए । हिजो तनहुँको व्यास नगरपालिका १ मा पुल उद्घाटन गर्न जाँदा पौडेलललाई प्रहरीले पक्राउ गरेको थियो ।

पुल उद्घाटनका विषयमा कांग्रेस र राष्ट्रिय युवा संघबीच विवाद भएको थियो । दुई पक्षबीच विवाद चर्किएपछि जिल्ला प्रशासन तनहुँले उक्त क्षेत्रमा निषेधाज्ञा नै जारी गर्नुपरेको थियो । तनाव भएपछि बुधबार मध्यान्ह् १२ बजेदेखि साँझ ६ बजेसम्मलाई कफ्र्यू नै लगाएको थियो । निषेधाज्ञाबीच पौडेल उद्घाटन गर्न गएकोले उनलाई नियन्त्रणमा लिएको तनहुँ प्रहरीले जनाएको छ । पक्राउपछि पौडेललाई तीन घण्टा नियन्त्रणमा लिएर छोडिएको थियो । आफूलाई पक्राउ गरेर सरकारले अधिनायकवादी चरित्र देखाएको आरोप पौडेलले लगाएका छन् ।

पौडेलले आफ्नो पहलमा भएको निर्माणको उद्घाटन गर्न जान नदिएर सरकारले अधिनायकवादी चरित्र देखाएको आरोप उनको छ । जनताको बीचमा दलहरुलाई जान नदिएर सरकारले लोकतन्त्रविरोधी कार्य गरेको भन्दै पौडेलले आफूलाई घटनाको निन्दा गरेका छन् । व्यास नगरपालिकामा कांग्रेसले जिते पनि प्रतिनिधिसभामा नेकपाका किसान श्रेष्ठले जितेका थिए । आफूहरुले जितेको ठाउँमा कांग्रेसले धावा बोलेको नेकपा समर्थित युवा संगठनको आरोप छ ।

पौडेललाई पक्राउ गरेपछि कांग्रेस सभापति शेरबहादुर देउवासहितका शीर्ष नेताहरुले विज्ञप्ति जारी गर्दै घटनाको निन्दा गरेका थिए । पौडेल पक्राउ परेको केहीबेरमै देउवाले प्रधानमन्त्री केपी ओलीलाई फोन गर्दै पक्राउ गरेकोमा आपत्ति जनाउँदै तत्काल रिहा गर्न माग गरेका थिए । नेविसंघले विभिन्न स्थानमा सडकमा प्रदर्शन नै गर्यो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

नेतृत्व कमजोर हुँदा काँग्रेस कमजोर भयो : वरिष्ठ नेता पौडेल 

प्रकाशमानले सभापतिमा लड्ने घोषणा गरेपछि झस्किए रामचन्द्र, बोहोराटारमा सन्नटा! 

रेलको नाममा ३५ अर्बको भ्रष्टाचार, कांग्रेस नेता रामचन्द्र पौडेलले गरे पर्दाफास !

कांग्रेस नेता पौडेलले एकाबिहानै पूर्वराजाको तस्विर हालेर फेसबुकमा लेखे यस्तो, सन्देश केहो ?

कांग्रेस सभापति देउवाविरुद्ध खरो रुपमा उत्रदै पौडेल पक्ष

कांग्रेस नेता पौडेलको बिज्ञप्तिले काम गर्यो, अर्बौं रुपैयाँ खाने प्रपञ्चमा ब्रेक !