प्रचण्डले प्रस्ताव फिर्ता नलिएसम्म बैठकमै बस्दिनँ भन्ने ओली कसरी गले ?
प्रचण्डले प्रस्ताव फिर्ता नलिएसम्म बैठकमै बस्दिनँ भन्ने ओली कसरी गले ?
काठमाडौं - नेकपा सचिवालय बैठक प्रधानमन्त्री निवास बालुवाटारमा बसेको छ । निर्धारित समय दिउँसो १ बजे नै बैठक सुरु भएको थियो । बैठकमा सहभागी हुन सचिवालयका सबै सदस्य बालुवाटार पुगेका थिए ।
बैठक सुरु हुनुअघि प्रधानमन्त्री केपी ओली र प्रचण्डबीच केही बेर कुराकानी भएको थियो । यसअघि प्रचण्डले विभिन्न आरोप लगाउँदै प्रस्तुत गरेको राजनीतिक प्रतिवेदन फिर्ता नभएसम्म ओलीले आफू सचिवालय बैठकमा नबस्ने जानकारी गराएका थिए ।
उनले बैठक स्थगित गराउन अन्तिम समयसम्म पनि प्रयास गरेका थिए । तर, उनको केही सीप चलेन । अन्ततः अहिले ओली गलेका छन् । राष्ट्रपति विद्यादेवी भण्डारीको सल्लाहपछि ओली सचिवालय बैठकमा बस्न सहमत भएका हुन् ।
मंगलबार राति शीतल निवास पुगेका प्रचण्डले ओलीले आफूलाई नसुधारे पार्टीले कारबाही गर्ने जानकारी गराएका थिए । बहुमत सदस्यको निर्णयलाई मान्नै पर्ने अवस्था आउने र स्थायी कमिटी बोलाएर निर्णय गराउने चेतावनी दिएपछि ओली एक कदम पछि हटेका हुन् ।
नेकपामा एक व्यक्ति एक पदको मुद्दा अहिले जबर्जस्त उठेको छ । अब कुनै पनि हालतमा ओलीलाई एकलौटी सरकार र पार्टी चलाउन नदिनेमा प्रचण्ड र माधव नेपाल समूह पुगेको छ । त्यही भएर पनि ओली गलेको नेताहरु बताउँछन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४