राजनीतिक बिशेष
मन्त्री हेरफेरमा फेरि पनि ओलीले प्रचण्डलाई थाङ्नामा सुताउने संकेत
मन्त्री हेरफेरमा फेरि पनि ओलीले प्रचण्डलाई थाङ्नामा सुताउने संकेत
काठमाडौं - पछिल्लो २७ दिनमा प्रधानमन्त्री केपी ओली र पुष्पकमल दाहाल प्रचण्डबीच १४ पटक भेटवार्ता भएको छ । त्यो पनि मन्त्रिपरिषद् पुनर्गठनको विषयलाई लिएर ।
तर, भेटवार्तापछि छलफल सकारात्मक भन्नेबाहेक केही आएको छैन । नेकपाको स्थायी कमिटी बैठकले नै अविलम्ब मन्त्रिपरिषद् पुनर्गठन गर्ने र राजनीतिक नियुक्ति गर्दा पार्टीको सहमतिमा गर्ने निर्णय गरेको थियो ।
अहिले तीनवटा मन्त्रालय खाली पनि छन् । तीनवटा मन्त्रालय फुटाउने चर्चा पनि छ । त्यसैले कम्तीमा ६ जना मन्त्री नयाँ नियुक्ति गर्ने भन्ने आन्तरिक छलफल भए पनि ओली र प्रचण्ड सहमतिमा पुग्न सकेका छैनन् ।
बिहीबार बालुवाटारमा भएको भेटवार्तामा प्रचण्डले खुला रुपमै पूर्वमाओवादीका तीनबाहेक सबैलाई हटाउने ओलीसँग प्रस्ताव राखे । तर, ओलीले ठाडै अस्वीकार गरेको समाचार बाहिरिएको छ ।
प्रचण्डले विना मगर, वर्षमान पुन र शक्ति बस्नेतबाहेक पूर्वमाओवादीका अरु सबै मन्त्री हटाएर नयाँ ल्याउन चाहेका छन् । प्रचण्डको निसाना रामबहादुर थापा बादल, लेखराज भट्टमाथि बढी छ ।
तर, ओलीले यी दुवैलाई च्यापेका छन् । त्यसैले यसपटक पनि लिङरिङ गर्दै ओलीले प्रचण्डलाई दशै तिहारअघि मन्त्रिपरिषद् पुनर्गठनमा अलमल्याउने रणनीति लिएका छन् ।
स्रोतका अनुसार यदि प्रचण्डले ज्यादा जोड गरेमा एक दुई दिनभित्रै खाली तीन मन्त्री नियुक्ति गरेर केही समयलाई पुनर्गठनको विषय ओझेलमा पार्ने प्रधानमन्त्री ओलीको तयारी रहेको बुझिएको छ ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४