राजनीतिक बिशेष
प्रचण्ड आफैंलाई थाहा छैन पाँचौं हो कि छैटौं संविधान दिवस भन्ने
प्रचण्ड आफैंलाई थाहा छैन पाँचौं हो कि छैटौं संविधान दिवस भन्ने
काठमाडौं - नेपालले आज छैटौं संविधान दिवस मनाउँदैछ । शनिबार सार्वजनिक बिदा भए पनि संविधान दिवस फरक ढंगले मनाउन सरकारले आग्रह गरेको छ ।
२०७२ असोज ३ गते नेपालको संविधान जारी भएको थियो । नेपाली कांग्रेसका सभापति एवं प्रधानमन्त्री सुशील कोइरालाको नेतृत्वमा दोस्रो संविधानसभाले संविधान जारी गरेको थियो ।
त्यस आधारमा आज संविधान जारी भएको पाँच वर्ष पुगेर ६ वर्ष लागेको छ । त्यसैले छैटौं संविधान दिवस मनाइएको हो । तर, सत्तारुढ नेकपाका कार्यकारी अध्यक्ष पुष्पकमल दाहाल प्रचण्ड नै झुक्किएका छन् ।
उनले यस वर्षको संविधान दिवसलाई पाँचौं संविधान दिवस भनेर शुभकामना सन्देश जारी गरेका छन् । घरमै बसेर श्रव्य सन्देश प्रचण्डले दिएका छन् । जसलाई सामाजिक सञ्जालमा राखिएको छ ।
जबकि प्रधानमन्त्री केपी ओलीले दिएको शुभकामना सन्देशमा छैंटौं संविधान दिवस भनिएको छ । उनले घरघरमै बसेर संविधान दिवस मनाउन अपिल गरेका छन् ।
प्रधानमन्त्री ओलीले त शनिबार टुँडिखेलमा आयोजित संविधान दिवस कार्यक्रमलाई औपचारिक रूपमा सम्बोधन पनि गरेका थिए । तर, एउटै पार्टीका अध्यक्षद्वमध्ये एकले छैटौं र अर्कोले पाँचौं दिवस भनेर गाईजात्रै देखाएका छन् ।
मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।
यो पनि
मिडिया डबली
लेखकबाट थप
ताजा अपडेट
ट्रेन्डिङ
-
डबली नेटवर्क्स प्रा.लि, अनामनगर, काठमाडौँ
- फोन नम्बर :९८०११२३३७१
- [email protected]
- वेबसाईट: www.mediadabali.com
- सूचना विभाग दर्ता नं.::१८१/ ०७३ -०७४