काठमाडौं– प्रधानमन्त्री केपी शर्मा ओलीले आइतबार उपाध्यक्ष बामदेव गौतमलाई बालुवाटारमा बोलाएर छलफल गरेका छन्। ओलीले  गौतमलाई सरकारमा बसेर काम गर्न आग्रह गरेका छन्। 

पार्टी र सरकारमा मिलेर काम गर्न ओलीले भनेपछि बामदेवले आफू कठिन जिम्मेवारी सम्हाल्न तयार रहेको बताएका थिए । गौतमलाई उपप्रधामन्त्रीसहित महत्वपूर्ण मन्त्रालय दिने ओलीको प्रस्ताव छ। तर, चुनाव हारेकाले कानुनी अड्चन रहेको विषय पनि उठ्यो ।

गौतमलाई राष्ट्रियसभामा मनोनित गरी ल्याउँदा सरकारमा जिम्मेवारी दिन मिल्ने वा नमिल्नेबारे समेत छलफल भएको थियो । त्यसका लागि ओलीले कानुन व्यवसायीसँग परामर्श थाल्ने भएका छन् ।

संविधानमा चुनाव हारेको व्यक्ति सरकारमा जान नमिल्ने व्यवस्था छ । प्रधानमन्त्री वा मन्त्री बन्न नपाउने व्यवस्था भएकाले गौतमलाई राष्ट्रियसभा सांसद बनाएर लान मिल्ने नमिल्नेबार रायसुझाव लिने भएका छन् । आफूलाई निकै अप्ठ्यारो समयमा गौतमले साथ दिएकाले ओलीले यसपटक गुन तिर्ने बताएका छन् ।

यसैगरी, प्रधामन्त्री ओलीले सचिवालय सदस्य नारायणकाजी श्रेष्ठलाई पनि उपप्रधानमन्त्रीसहित महत्वपूर्ण जीम्मेवारी दिने चाहना राखेका छन् । श्रेष्ठ पनि प्रतिनिधिसभा चुनावमा गोरखाबाट पराजित हुन् । उनी पछि राष्ट्रियसभा सदस्यमा निर्वाचित भएका थिए । श्रेष्ठको हकमा पनि बामदेवलाई जस्तै लागू हुन्छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रधानमन्त्रीले ओलीले गरे दर्जनबढी गल्ती, उडाए संसदीय मर्यादाको धज्जी

छुवाछुतबारे ओलीको लामै उपदेश, तर रुकुम पश्चिम घटनाबारे वाक्य फुटेन

दोधारमा बामदेव, ओली गुटमा लाग्ने की प्रचण्ड गुटमा भन्ने विषयले पर्यो आपत

संसदीय दलमा समेत ओली अल्पमतमा, ११ सांसदको ठूलो पिर!

ओलीकै इच्छामा बनेको सल्लाहकारद्वारा विरोध, जनता सडकमा आएपछि पचाए लाज

ओली र प्रचण्डबीच बोलचाल नै बन्द, विष्णु पौडेलको सन्देशले काम गरेन !