काठमाडौं - नेपाली कांग्रेसका युवा नेता एवम् पूर्वसांसद रामहरि खतिवडाले प्रधानमन्त्री खड्गप्रसाद ओलीले दायाँबायाँ नगरी कोरोनाभाइरसको संक्रमणबाट जनताको जीवन बचाउन आफूलाई केन्द्रित बनाउनुपर्ने बताएका छन् ।

कांग्रेस नेता खतिवडाले आइतबार बिहान कुरा गर्दै ओलीलाई अहिले कोरोनाबाट जनताको जीवन रक्षा गर्नेभन्दा पनि राम जन्मभूमि अयोध्याको चिन्ता रहेको बताए । राम जन्मभूमि अयोध्याका बारेमा समय भएपछि खोज्न आग्रह गर्दै उनले भने, ‘जनता कोरोनाले दिनदिन मर्न थालेका छन् । कोरोना रोकथाम गरौँ प्रधानमन्त्रीजी । समयपछि राम जन्मभूमि अयोध्या खोजौँला । मैले पनि साथ दिन्छु ।’

ओलीले शनिबार आफ्नै निवास बालुवाटारमा चितवनको माडीका मेयरसहितका जनप्रतिनिधिहरूलाई बोलाएर अयोध्या नेपालमै रहेको र मास्टर प्लान बनाउन निर्देशन दिएका थिए ।

ओलीले कोरोनाको संक्रमणबाट जनताको जीवन बचाउनेभन्दा पनि पछिल्लो समय अयोध्याको विषयमा विवाद खडा गरेर आलोचना र पार्टीभित्रको विवादलाई डाइभर्ट गर्न खोजेका छन् ।

कांग्रेस नेता खतिवडाले अयोध्याका विषयमा विवाद गर्नुभन्दा पहिला कोरोनाबाट जनताको जीवन बचाउन ध्यान केन्द्रित गर्न सुझाव दिए ।

‘कोरोनाभाइरसको महामारीबाट जनता त्रसित छन् । धमाधम ज्यान जान थालेको छ । पर्सा, काठमाडौंसहित भारतसँग सिमाना जोडिएका जिल्लाको अवस्था भयाबह भएको छ’, उनले भने, ‘प्रधानमन्त्रीजीलाई कोरोनाबाट जनताको जीवन बचाउनेभन्दा पनि रामको जन्मभूमि अयोध्या बनाउनेतिर केन्द्रित हुनुभएको छ । पहिला कोरोना रोकथाम गरौँ । जनताको जीवन ठूलो हो ।’

कांग्रेस नेता खतिवडाले भनेका छन्, ‘मपनि रामको ठूलो मूर्ति बनाउनुपर्छ भन्ने पक्षकै मान्छे हो । अयोध्या नेपालमै खोजौँ भन्ने पक्षको मान्छे हुँ । समय सहज भयो भने खोजौँला । तर, अहिले त्योभन्दा पनि ठूलो कुरा भनेको कोरोनाबाट जनताको जीवन रक्षा गर्ने हो ।’

‘प्रधानमन्त्री ओलीजी कोरोना रोकथाम र उपचारमा असफल भएपछि आलोचनाबाट बच्न विषयलाई विषयान्तर गर्न खोज्नुभएको छ’, खतिवडाले भने, ‘पार्टीभित्रैबाट कुर्सीमा हमला भएपछि आत्तिनुभएका ओलीले विषयलाई डाइभर्ट गर्न गरेर सत्ता लम्बाउन र आलोचनाबाट बच्न अनेक फण्डाहरू ल्याइरहनु भएको छ ।’

बेलानकुबेला अयोध्याको विवाद ल्याएर प्रधानमन्त्री ओलीले भारतसँगको सम्बन्ध विगार्न खोजेको आरोप खतिवडाले लगाए । ‘प्रधानमन्त्रीजी विद्धावन हुनुहुन्छ । यसमा शंका छैन’, उनले भने, ‘कोरोना रोकथाम र नियन्त्रण भएपछि अरु पनि विज्ञलाई राखेर अयोध्याको खोजी गरौँला । यो समय कोरोनाविरुद्ध मिलेर लड्ने नै हो ।’

नेपाली कांग्रेसले कोरोनाको महामारीका बेला सरकारलाई सहयोग गरिरहेको बताएका खतिवडाले भने, ‘हाम्रो पार्टी सभापति शेरबहादुर देउवासहितका शीर्ष नेताहरूले सरकारलाई कोरोना रोकथाममा सहयोग गर्नुभएको छ । ओलीजीले अब पनि कोरोनालाई हल्का रुपमा लिएर अनावश्यक कुराको पछाडि लाग्नुभयो भने कांग्रेस चुप बस्दैन । ओलीजीलाई जानकारी होस् ।’

ओलीले बालुवाटारलाई गफ गर्ने अखडा बनाएको खतिवडाको आरोप छ । ‘पार्टीका मान्छे बोलाउने, बेफजुलका मान्छे बोलाउने, दिनभरि गफ गर्ने’, उनले भने, ‘देशको मुख्य समस्याबाट भागेर ओलीजीले के गर्न खोज्नुभएको हो ?’

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

प्रधानमन्त्रीले ओलीले गरे दर्जनबढी गल्ती, उडाए संसदीय मर्यादाको धज्जी

छुवाछुतबारे ओलीको लामै उपदेश, तर रुकुम पश्चिम घटनाबारे वाक्य फुटेन

दोधारमा बामदेव, ओली गुटमा लाग्ने की प्रचण्ड गुटमा भन्ने विषयले पर्यो आपत

संसदीय दलमा समेत ओली अल्पमतमा, ११ सांसदको ठूलो पिर!

ओलीकै इच्छामा बनेको सल्लाहकारद्वारा विरोध, जनता सडकमा आएपछि पचाए लाज

ओली र प्रचण्डबीच बोलचाल नै बन्द, विष्णु पौडेलको सन्देशले काम गरेन !