काठमाडाैं- राष्ट्रिय खेलकुद परिषद् (राखेप)को नयाँ सदस्यसचिवका लागि नेपाल कम्युनिस्ट पार्टीका केन्द्रिय सदस्यले समेत अावेदन दिएका छन् । 

घरेलु खेलकुदको सर्वाेच्च निकाय राखेपको नयाँ कार्यकारी पदका लागि पहिलोपटक आवेदन आह्वान गरिएको थियाे । बिहीबार (१ साउन) साँझ ५ बजेसम्म अन्तिम मिति रहेकाे अवस्थामा अहिलेसम्म सदस्यसचिवका लागि २७ जनाले आवेदन दिएका छन् ।

सत्तारुढ दल नेकपानिकट व्यक्तिहरूको आवेदन भने झनै बढी देखिएको छ । खेलकुदसचिव रामप्रसाद थपलियाको संयोजकत्वमा रहेको सिफारिस समितिले बिहीबार सार्वजनिक गरेअनुसार नेकपाका केन्द्रीय सदस्यदेखि पूर्वखेलाडीसम्मको आवेदन परेको छ । 

आवेदन खुलेको दोस्रो दिनमै भलिबलका पूर्वखेलाडीद्वय अन्जु श्रेष्ठ र नीलमसिंह बज्राचार्यले आवेदन दिएका थिए । अन्जु नेपाली महिला टोलीकी पूर्वकप्तान हुन् भने नीलम नेपाली भलिबल टोलीले आधिकारिक पहिलो अन्तर्राष्ट्रिय खेल खेल्दाकी सदस्य हुन् । 

यस्तै, नेकपाका केन्द्रीय सदस्य लिलबहादुर थापामगरले पनि राखेपको नयाँ सदस्यसचिवका लागि आवेदन दिएका छन् । उनी नेपाल भलिबल संघका पूर्वउपाध्यक्षसमेत हुन् । 

सदस्यसचिवका लागि योग्यता

राखेपको सदस्यसचिवका लागि नेपाली नागरिक, स्नातक तह उत्तीर्ण भएको, ३० वर्ष उमेर पूरा भएको, कुनै पनि कसुर नलागेको हुनुपर्नेलगायत योग्यता तोकेको छ ।

समितिले यी आवेदनबाट एक महिलासहित तीनजनाको नाम राखेपको नयाँ सदस्यसचिवका लागि मन्त्रालयसमक्ष सिफारिस गर्नेछ । मन्त्रालयले सो सिफारिसलाई मन्त्रिपरिषद् बैठकमा लैजानेछ ।

मन्त्रिपरिषद्को बैठकले सिफारिसमा परेका तीनमध्ये एकलाई आगामी चार वर्षका लागि राखेपको नयाँ सदस्यसचिवको रूपमा नियुक्त गर्नेछ । 

सदस्यसचिवका लागि आवेदन दिनेहरू

• रमेश सिलवाल 
• अञ्जु श्रेष्ठ 
• रवि राजकर्णिकार 
• ध्रुवराज न्यौपाने 
• विजयकुमार राई 
• मेघराज पौडेल
• नीलमसिंह बज्राचार्य 
• अच्युतम लामिछाने 
• रोशन महर्जन 
• अनिल अधिकारी 
• हर्कबहादुर राई 
• मीना श्रेष्ठ
• शिवराज भट्ट 
• लिलबहादुर थापा 
• अच्युत खनाल
• मनबहादुर गुरुङ
• रामेश्वर श्रेष्ठ
• सुदिल शाही 
• सानुराजा केसी
• किशोर शाही
• रमेशमान डंगोल
• खेमराज अधिकारी
• राम पुडासैनी
• सुनिल नकर्मी
• रणबहादुर चन्द
• दीपेन्द्र ढकाल
• तेजबहादुर गुरुङ

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।