बिहिवार, मंसिर ४ २०८३Nov 19 2026

Logo
  • ट्रेन्डिङ :
images images

नेपाल आउनै लागेका कोरोना जाँच्ने चिनियाँ किट तिब्बतमा रोकिए, नक्कली भएको आशंका

नेपाल आउनै लागेका कोरोना जाँच्ने चिनियाँ किट तिब्बतमा रोकिए, नक्कली भएको आशंका

  • शनिवार, चैत्र १५ २०७६

  • 8.0K
    SHARES

  • काठमाडौं – विश्वव्यापी महामारीको रुप लिएको कोरोना भाइरस संक्रमण परीक्षण, रोकथाम तथा उपचारका चिनियाँ स्वास्थ्य सामग्रीको गुणस्तरमा शंका गरिएपछि नेपाल आउनै लागेको सामग्री तिब्बतमा रोकिएको छ । गत बुधवार चीनको ह्वा खथाईको बेइजिङ साभान्ट बायोटेक्नोलोजी कम्पनीले २ हजार जनालाई कोरोना भाइरस परीक्षण गर्न मिल्ने किट नेपाली दूतावासलाई उपलब्ध गराएर नेपालका लागि पठाएको थियो । नेपाल आउन तिब्बतको ल्हासा पुगिसकेको बेला किटलाई तिब्बत सरकारले रोकेको छ । चीनको नेसनल मेडिकल प्रोडक्सन एडमिनिस्ट्रेसनले तोकेका किट अन्तर्गत नेपाल आउन लागेको किट नपर्ने भएकाले तिब्बत सरकारले बाटोमै रोकेको छ । स्रोतका अनुसार चीनमै मान्यताप्राप्त नभएको किट नेपाल आउन लागेको थियो । चीनले उत्पादन गरेको किटबाट कोरोना परीक्षण गर्दा ३० प्रतिशत बिरामीको मात्रै पहिचान गर्न सकेको, रोग लागेपनि ७० प्रतिशत व्यक्तिमा संक्रमण पत्ता नलगोको र गुणस्तरहीन भएको भन्दै स्पेनले चिनियाँ कम्पनीबाट आपूर्ति भएका सामग्री फिर्ता गर्ने निर्णय गरेको थियो । ‘तिब्बत सरकारको स्वास्थ्य विभागले नेपालका लागि पठाइएका किट निर्यातयोग्य नभएको पुष्टि गरेको छ,’ स्रोतले भन्यो । किट निर्यातयोग्य नभएको जानकारी परराष्ट्र मन्त्रालयमार्फत् प्राप्त भएको महावाणिज्य दूतावासका प्रवक्ता जिम्सन रुम्दाली राईले जनाएका छन् । चीन सरकारले नेपाललाई अनुदानमा दिन लागेको स्वास्थ्य सुरक्षा सामग्रीको सूचीमा अहिले पठाउन लागिएको किट उल्लेख नभएकाले पनि तिब्बत सरकारले रोक्का गरेको जानकारी मिलेको प्रवक्ता राईले बताए । चीनबाट आउने मेडिकल सामग्री, परीक्षण उपकरण आदि गुणस्तरीय नभएको भन्दै स्पेन, चेक गणतन्त्रजस्ता मुलुकमा चिनियाँ सामग्री बहिष्कार गरिएको छ ।

    मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

    शनिवार, चैत्र १५ २०७६०१:३७:०९
    ट्रेन्डिङ
    Logo
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४

    प्रधान सम्पादक

    कृष्ण प्रसाद पहाडी

    सम्पादक

    शोभाकान्त सापकोटा

    फोटो पत्रकार 

    सन्जिव न्यौपाने

    Copyright © All right reserved to Dabali Networks P. LTD. Site By: SobizTrend