काठमाडौं – कम्युनिस्टहरू जति क्रुर हुन्छन्, त्यत्तिकै कायर पनि भन्ने उदाहरण चीनको छिमेकी मुलुक उत्तर कोरियाले दिएको छ । कोरोना भाइरसको थप संक्रमणबाट बच्न उत्तर कोरियामा एकजना संक्रमितलाई गोली हानेर हत्या गरिएको खबर चुहिएको छ । पारदर्शिता नभएको निरंकुश देश उत्तर कोरियामा कम्युनिस्ट तानाशाहको शासन रहेको छ । उत्तर कोरियाले भने आफ्नो देशमा कोरोना संक्रमित कोही नभेटिएको दाबी गर्दै आएको छ । चीन निकट विज्ञको हवाला दिँदै केही अन्तर्राष्ट्रिय सञ्चारमाध्यमले उत्तर कोरियामा एक संक्रमित भेटिएको र गोली हानी हत्या गरिएको दाबी गरेका छन् । उत्तर कोरियाली अधिकारीहरूले १ सय ४१ जनाको संक्रमण परीक्षण गरिएकोमा कसैमा पनि संक्रमण नभेटिएको दाबी गरेका छन् । उत्तर कोरियाले कोरोनाको त्रासका कारण पछिल्लो समय चीनसँगका सीमा बन्द गर्नुका साथै उच्च सतर्कता अपनाउँदै आएको छ । केही दक्षिण कोरियाली मिडियाले चीनसँग जोडिएका उत्तर कोरियाली शहरमा संक्रमित भेटिएको खबर सार्वजनिक गरेका छन् । दक्षिण कोरियाली पत्रिका कोसन इल्बोले सिनुइजु शहरमा दुईजना कोरोना भाइरसका बिरामी भेटिएको समाचार लेखेको छ । उत्तर कोरियाले कारोनाको उपचार गर्नुको साटो संक्रमितलाई हत्या गरेको भन्दै आलोचना समेत भइरहेको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।