काठमाडौं – वैदेशिक रोजगारका लागि कुवेत गएका रहेका ६ जना नेपाली कामदारको मृत्यु भएको छ । निर्माण क्षेत्रमा काम गर्न रोजगारीका लागि कुवेत पुगेका नेपालीको बालुवा र ग्राभेलको ढिस्कोमा पुरिएर मृत्यु भएको हो । घटनास्थलमै चार जनाको मृत्यु भएको छ भने दुई जनाको उपचारका क्रममा मृत्यु भएको जनाइएको छ । कुवेतस्थित नेपाली राजदूतावास स्रोतका अनुसार मुत्ला सिटी प्रोजेक्टको निर्माणस्थलमा ढल निर्माण गर्ने क्रममा बालुवा र ग्राभेलको ढिस्को खस्दा नेपालीको मृत्यु भएको हो । दुर्घटनामा मृत्यु हुनेको विस्तृत जानकारी आउन नसकेको दूतावासले जनाएको छ । स्थानीय प्रहरीसँग समन्वय गरेर मृतक नेपालीबारे जानकारी लिने प्रयास भइरहेको दूतावासले जनाएको छ ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।