काठमाडौं – प्रधानमन्त्री केपी शर्मा ओलीको स्वास्थ्यमा फेरि समस्या देखिएको छ । मृर्गाैलाको खराबीका कारण पटक–पटक बिरामी हुँदै आएका प्रधानमन्त्री ओली आईतबार फेरि बिरामी भएका हुन् । प्रधानमन्त्री ओली बिरामी भएपछि आईतबार बस्ने तय भएको सत्तारुढ नेपाल कम्युनिस्ट पार्टी (नेकपा) सचिवालय बैठक स्थगित भएको छ । पार्टी एकता टुंग्याउन आईतबार बिहान बालुवाटारमा सचिवालय बैठक बोलाइएको थियो । नेकपा महासचिव विष्णु पौडेलले बैठक स्थगित भएको बताउँदै प्रधानमन्त्री ओलीले आराम गर्नुपर्ने भएको बताए । प्रधानमन्त्री ओलीको स्वास्थ्यमा समस्या देखिएपछि पूर्वनिर्धारित कार्यक्रममा समेत सहभागी भएका छैनन् । काठमाडौंको दरबारमार्गस्थित होटल याक एण्ड यतिमा सरकारले आयोजना गरेको ‘सगरमाथा संवाद’ कार्यक्रममा ओली सहभागी हुन सकेनन् । कार्यक्रमलाई सरकारले ठूलो महत्वका साथ लिएपनि अन्तिम समयमा प्रधानमन्त्री कार्यक्रममा सहभागी हुन नसक्ने भएका हुन् । प्रधानमन्त्री ओली अनुपस्थित हुँदा कार्यक्रमको उद्घाटन उपप्रधान तथा रक्षामन्त्री ईश्वर पोखरेलले गरेका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।