काठमाडौं– राप्रपा (संयुक्त) का महामन्त्री तथा पूर्वमन्त्री सुनिल बहादुर थापाले कांग्रेस प्रवेश गर्ने तयारी गरेका छन् । थापा सहितका एक दर्जन प्रभावशाली नेताहरुले नेपाली कांग्रेसमा प्रवेश गर्ने तयारी गरेका हुन् । स्रोतका अनुसार पार्टी प्रवेशका लागि नेता थापासँग कांग्रेस सभापति शेरबहादुर देउवा आफैंले चरणवद्ध छलफल गरेका छन् ।

थापाले देउवासँग आफूलाई महामन्त्री दिन आग्रह गरेका छन् । देउवापनि उनलाई महामन्त्री बनाउन तयार रहेको बुझिएको छ । तर, बरिष्ठ नेता रामचन्द्र पौडेल समूहले कुनैपनि हालतमा महामन्त्री दिन नहुने अडान राखेको छ ।

थापा सुर्य बहादुर थापाका छोरा हुन् । उनी सुरुदेखि नै गणतन्त्रवादी नेताको रुपमा चिनिएका छन् । राप्रपा (संयुक्त) पछिल्लो समय हिन्दूराष्ट्र र राजसंस्थाको पक्षमा उभिएपछि थापा रुष्ट बनेका थिए ।

उनले पार्टीभित्र संघीय लोकतान्त्रिक गणतन्त्रलाई बलियो बनाएर जानुपर्ने आवाज उठाउँदै आएका छन् । तर, उनको आवाजको कुनै सुनुवाई नहुने भएपछि उनी कांग्रेस प्रवेशको तयारीमा जुटेका हुन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।