काठमाडौं – सोलुखुम्बु जिल्लामा एकाएक गोली चलेको छ । सोलुलाई राष्ट्रिय विद्युत् प्रसारण लाइनमा जोड्न आयोजित कार्यक्रमका क्रममा गोली चलेको छ । जिल्ला सदरमुकामबाट कार्यक्रममा सहभागी हुन गएको टोलीलाई तिङ्लावासीले अवरोध गरेपछि हवाइ फायर र अश्रुग्यास प्रहार गरिएको स्थानीय प्रहरीले जनाएको छ । आयोजना प्रभावित क्षेत्र तिङलामा विद्युत् विस्तार नभर्ई पत्तालेमा उद्घाटन गर्न लागिएको भन्दै सोलुदुधकुण्ड नगरपालिका–११ तिङ्लाका स्थानीय वासिन्दाले कार्यक्रम बहिष्कार समेत गरेका छन् । झडपमा केही स्थानीय र प्रहरी घाइते भएको जिल्ला प्रशासन कार्यालय सोलुखुम्बुले जनाएको छ । बन्दकर्ताले १६ वटा मोटरसाइकल र एउटा जीपमा आगजनी समेत गरेका जनाइएको छ । कार्यक्रम बहिष्कार गरेर बिहानैदेखि प्रर्दशनमा उत्रिएका तिङलावासीले कार्यक्रममा सहभागी व्यक्तिहरूको मोटरसाइकलमा जथाभावी आगो लगाएका छन् । संघीय सांसद हेमकुमार राई ‘शुरबीर’ले शनिवार पत्तालेमा उद्घाटन गर्ने कार्यक्रम थियो । कार्यक्रममा झडपको स्थिति सिर्जना भएपछि कार्यक्रममा सहभागी हुन जिल्लाबाट आएका अतिथिबीच बाटोबाटै सदरमुकाम सल्लेरी फर्किएका छन् । झडपपछि प्रदर्शनकारीले ठाउँठाउँमा रुख ढालेर सडक अवरुद्ध गरेका छन् । सडक अवरुद्ध भएसँगै सोलुखुम्बु भित्रिने दर्जनौं सवारीसाधन पत्ताले क्षेत्रमा नै अलपत्र परेका स्थानीयले जनाएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।