काठमाडौं – कम्युनिस्ट प्रधानमन्त्री केपी शर्मा ओली नेतृत्वको सरकारले शासन गरिरहेका बेला देशमा असुरक्षा बढेको छ । केही दिनअघि जनकपुरमा बम विस्फोटबाट प्रहरी निरीक्षकसहित तीन जनाको मृत्यु भएको घटना सेलाउन नपाउँदै सोमबार बिहान जनकपुरमा शंकास्पद वस्तु भेटिएपछि बम हुनसक्ने भन्दै त्रास फैलिएको छ । जनकपुरधामको तिरहुतिया बजारको बीच सडकमा शंकास्पद वस्तु भेटिएको छ । शंकास्पद वस्तुका कारण सडकमा आवतजावत रोकिएको छ भने सर्वसाधारण त्रसित बनेका छन् । जनकपुरको संघीय प्रहरी इकाई कार्यालयभन्दा करीब ५० मिटर दुरीमा रहेको बजार छेउमा शंकास्पद वस्तु भेटिएको छ । बोरामा बेरिएको अवस्थामा शंकास्पद वस्तु भेटिएपछि बिहानैदेखि आवागमन ठप्प भएको छ । शंकास्पद वस्तुलाई डिस्पोज गर्नका लागि नेपाली सेनाको बम डिस्पोजल टोलीले प्रयास गरिरहेको छ । बमबाटै तीन जनाको मृत्यु भएको घटना ताजै भएकाले सर्वसाधारण झन् डराएका छन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।