काठमाडौं- कलाकारको छाता संगठन नेपाल चलचित्र कलाकार संघको निर्वाचनमा यसपटक कम्युनिस्टहरू बढारिएका छन् । यसपटक मोहन निरौला र रेजिना उप्रेती संघको नेतृत्व हात पार्न प्यानलसहित मैदानमा उत्रिएका थिए । 

उप्रेती एमाले निकट कलाकार हुन् । तर उनले कांग्रेस निकट कलाकारलाई पनि प्यानलमा राखेकी थिइन् । निरौला कांग्रेस निकट कलाकार होइनन् । तर उनलाई कांग्रेसी कलाकारको एक खेमाले सहयोग गरेको थियो । लोकप्रिय र अधिकांश कांग्रेस समर्थित कलाकारले चुनाव जितेका छन् । त्यसका साथै एमाले कार्यकर्ता उत्तम केसी स्वतन्त्र रूपमा मैदानमा उत्रिएका थिए । उनी एमाले सरकारको बेला चलचित्र विकास बोर्डको सदस्य नियुक्त भएका थिए ।

शनिबार सम्पन्न १९औँ साधारणसभामा निरौलाले कुल खसेको चार सय ६८ मतमा दुई सय ३५ मत प्राप्त गर्दै विजयी भए । उनका निकटतम् प्रतिद्वन्द्वी अभिनेत्री रेजिना उप्रेतीले दुई सय नौ मत प्राप्त गरिन् । 
उपाध्यक्षमा कविता गेलालले एक सय ५१ मत र शिवहरि नेपाल ‘वैरागी’ ले एक सय ४० मत तथा महासचिवमा सविन श्रेष्ठले एक सय

१२ मत प्राप्त गरेर विजयी भए । यस्तै सचिवमा रामेश्वर बुर्लाकोटीले दुई सय २३ मत र कोषाध्यक्षमा सुनिल कटुवालले दुई सय ६० मत प्राप्त गर्दै विजयी हुँदा सहकोषाध्यक्षमा पवित्रा आचार्य निर्विरोध निर्वाचित भइन् । 

सदस्यमा शीतल केसी सर्वाधिक तीन सय दुई मत ल्याएर विजयी भए । अन्य सदस्यमा गोपाल ढकाल छन्दे, उद्धवप्रसाद भट्टराई, पवन केसी, नम्रता खरेल, पुकार भट्टराई, खुश्बु खड्का, सरिता राधोपाध्याय, रोशन श्रेष्ठ र समीर लामा विजयी भए । झन्डै सात सय सदस्य रहेको संघको निर्वाचनमा चार सय ६८ मतमात्र खसेको थियो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग