काठमाडौं - प्रधानमन्त्री पुष्पकमल दाहाल प्रचण्डले राष्ट्रपति निर्वाचनलगत्तै विश्वासको मत लिने भएका छन् ।

नेपाली कांग्रेसले राष्ट्रपति र उपराष्ट्रपति निर्वाचनअघि सरकारमा सहभागी नहुने अडान लिएपछि मन्त्रिपरिषद् तत्काल विस्तार नहुने भएको हो ।

पहिलेको गठबन्धनमा रहेका एमाले, राप्रपा र राष्ट्रिय स्वतन्त्र पार्टी सरकारबाट बाहिरिएपछि अहिले माओवादी केन्द्र र जनमत पार्टीमात्र सरकारमा छन् ।

दुई दलको मात्र सरकार भएकाले प्रधानमन्त्री प्रचण्ड अहिले अनौपचारिक ढंगले कुन दललाई कति मन्त्रालय दिने भनेर छलफलमा जुटेका छन् । नेपाली कांग्रेसका उपसभापति पूर्णबहादुर खड्काले पनि राष्ट्रपति निर्वाचनपछि मात्रै आफ्नो पार्टी सरकारमा जाने बताइसकेका छन् ।

कांग्रेस र माओवादी सम्मिलित गठबन्धनमा केन्द्र र सातै प्रदेशको सरकारका साथै संसदीय समिति सभापतिमा एकैपटक सहमति हुनेछ । केन्द्रका १६ मन्त्रालय, कोसी, गण्डकी र लुम्बिनी प्रदेशका मुख्यमन्त्री र मन्त्री तथा संसदीय समितिको सभापतिबारे प्याकेजमै सहमति हुने कांग्रेस नेताहरूको भनाइ छ ।

सांसदको संख्याको अनुपातमा मन्त्रालय भागबण्डाको मापदण्ड बनाउनुपर्ने पक्षमा कांग्रेस नेताहरू देखिएका छन् । गृह वा अर्थमध्ये एक, परराष्ट्र र स्वास्थ्यसहित १० मन्त्रालयमा कांग्रेसको दाबी छ ।

तर प्रधानमन्त्री प्रचण्ड अन्य दललाई पनि सरकारमा ल्याउनुपर्ने भएकाले नौवटा मन्त्रालय कांग्रेसले लिएमा उचित हुने बताइरहेका छन् । माओवादीले पाँचवटा मन्त्रालय पाउने भएको छ ।

जसपा र एकीकृत समाजवादीले तीन–तीन मन्त्रालयको दाबी गरेका छन् । उपराष्ट्रपति पाएको जसपाले दुई वटामात्र मन्त्रालय पाउने छ । एकीकृत समाजवादीले तीन, लोसपाले एउटा मन्त्रालय पाउन सम्भावना छ ।

नागरिक उन्मुक्ति पार्टी भने रेशम चौधरी रिहा नभएसम्म सरकारमा नजाने अडानमा छ । आठदलीय गठबन्धनमा रहेको राष्ट्रिय जनमोर्चा सरकारमा जाने छैन । जनमत पार्टीले एउटा मात्र मन्त्रालय पाउने भएको छ ।

मन्त्रालय भागबण्डाको सन्तुलन मिलाउने गरी केही दललाई संसदीय समितिको सभापति दिइने छ । १० वटा संसदीय समितिमा कांग्रेसले चारवटामा दाबी गरेको छ ।

सार्वजनिक लेखा समिति विपक्षीले पाउने भएकाले आठदलीय गठबन्धनमा नौवटा समितिमात्र भागबण्डा हुनेछ । माओवादीले दुई, एकीकृत समाजवादी, जसपा, लोसपालाई एक–एक समितिको नेतृत्व दिने गरी सहमति हुन सक्ने बुझिएको छ ।

पहिलो चरणमा मन्त्रिपरिषद् विस्तार गरेपछि राष्ट्रिय स्वतन्त्र पार्टीलाई पनि सरकारमा ल्याउने बारे छलफल अघि बढाइने भएको छ ।

गठबन्धनका दलहरु अहिले पनि रास्वपाका नेताहरूसँग औपचारिक अनौपचारिक छलफलमा छन् । राष्ट्रपति निर्वाचनमा रास्वपालाई आफ्नो पक्षमा ल्याउन कांग्रेस र माओवादी नेताहरु संवादमा जुटेका हुन् ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग