काठमाडौं- राष्ट्रपतिको निर्वाचनबारे छलफल गर्न नेपाली कांग्रेसको केन्द्रीय कार्यसम्पादन समितिको बैठक बिहीबार बस्दैछ । बिहान ११ बजे पार्टी सभापति शेरबहादुर देउवाको निवास धुम्बाराहीमा कांग्रेस कार्यसम्पादन समितिको बैठक बस्नेछ ।

बैठकमा राष्ट्रपति पदको उम्मेदवार चयनलगायतका विषयमा छलफल हुने बुझिएको छ । कांग्रेसमा राष्ट्रपति पदको उम्मेदवारका लागि सभापति देउवा, नेता रामचन्द्र पौडेल र कृष्णप्रसाद सिटौलाको नाममा छलफल चलिरहेको छ ।

कांग्रेसको बैठक सकिएलगत्तै पुरानो पाँचदलीय गठबन्धनको बैठक बस्ने भएकाले कांग्रेसले राष्ट्रपति कसलाई बनाउने भनेर आजै नाम फाइनल गर्नुपर्ने हुन्छ । कांग्रेसले प्रस्ताव गरेको नाममा पुरानो पाँचदलीय गठबन्धनले साझा उम्मेदवार मानेर राष्ट्रपतिको निर्वाचनमा होमिने छन् ।

कांग्रेस सभापति देउवा र प्रधानमन्त्री प्रचण्डले जसलाई बनाउन चाह्यो त्यही व्यक्ति मुलुकको तेस्रो राष्ट्रपति बन्ने निश्चित छ । प्रधानमन्त्री प्रचण्डले अहिलेसम्म एमालेले प्रस्ताव गरेको राष्ट्रपतिको उम्मेदवारलाई नसघाउने अडान कायमै राखेका छन् । एमाले अध्यक्ष केपी ओलीले बुधबार प्रचण्डसँग एकीकृत समाजवादीका अध्यक्ष माधवकुमार नेपालको नाम राष्ट्रपतिमा प्रस्ताव गरेका थिए । तर, नेपाललाई राष्ट्रपति बनाउने पक्षमा प्रचण्ड देखिएका छैनन् ।

नेपाललाई राष्ट्रपति बनाउँदा आफ्नो राजनीतिक बार्गेनिङ कमजोर हुने र ओलीले कुनै पनि बेला कर्नरमा पार्नेमा प्रचण्ड प्रस्ट छन् । सोही कारण कांग्रेसले प्रस्तावित गरेको व्यक्ति नै राष्ट्रपति बन्ने देखिएको हो ।

मिडिया डबली डट कम २०७३ श्रावण १ गतेबाट डबली नेटवर्क्स प्रा. लि द्वारा संचालित नेपाली भाषाको अनलाइन समाचार पोर्टल हो । अनुसन्धान र खोजमुलक समाचारलाई प्राथामिकता राख्ने यस पोर्टलमा सम्प्रेषित समाचारलाई कपि गरि अन्य साइटमा जस्ताको तस्तै राख्न पूर्ण रुपमा निषेध गरिएको छ । कुनै समाचार कपि गर्ने र अनिवार्य रुपमा ब्याक्लिंक नदिएको पाइएमा प्रचलित साइबर कानुन अनुसार कारवाहि गरिने जानाकारी गराइन्छ ।

यो पनि

कांग्रेस नेता महर्जनको खाना खुवाउने अभियानमा कराँते चेलाको सहयोग

केपी ओलीलाई संसदमा संकट : कांग्रेसले बनायो ‘आक्रामक’ रणनीति, नेकपाभित्रै विरोध

केपी ओलीविरुद्ध संसदमा देउवाको हुँकार, सबैका सामुन्ने खोले एकसे एक पोल !

कांग्रेसकी यी महिला सांसदले पाइन् संसदमा ठूलो जिम्मेवारी !

सिमा अतिक्रमण भएपछि तरुण दल कम्युनिस्ट सरकारसँग आक्रोशित, तत्कालै उचित कदम चाल्न ध्यानाकर्षण

लगनखेल डोजोको भोजन वितरणमा कांग्रेस नेताहरूको सहयोग